Mayın 10-da Rusiya Federasiyasının Həştərxan vilayətində Heydər Əliyev adına 11 saylı orta məktəbdə Ulu Öndərin 95-ci ildönümünə həsr olunmuş anım mərasimi keçirilib.
xalqxeber.az xəbər verir ki, mərasimdə Nərimanov rayon İcra Hakimiyyətinin nümayəndəsi Rəşid Ağayev, Həştərxanda Azərbaycan diasporasının rəhbəri Ədalət Hüseynov, məktəbin direktoru Tatyana Tixomirova, AMOR-un Həştərxan bölməsinin nümayəndələri, məktəbin müəllim və şagirdləri, Azərbaycan diasporunun nümayəndələri və gənclər iştirak ediblər.
Tədbirdən öncə məktəbin foyesində Ulu Öndərin büstü önünə gül dəstələri qoyulub.
Mərhum prezident Heydər Əliyevin həyat və fəaliyyətindən, iki xalq və dövlət arasında dostluq münasibətlərinin möhkəmlənməsi və inkişafında Ulu Öndərin əvəzsiz rolundan danışılıb.
