1 milyard sərvətə sahib prezidentin qızını alan oliqarx-məmur təhlükə altındadır.
Qısa bir müddət öncə Nəqliyyat Nazirlyinin ləğv edilməsi gündəmdə "bomba" təsiri yaratdı. Bundan sonra isə redaksiyaya ilginc məlumatlar daxil olmağa başladı. Həmin məlumatlardan birində yüz milyonlarla ölçülən sərvət toplamış sabiq nazir müavini Musa Pənahovun həbs olunacağından ehtiyatlanaraq, ölkədən qaçmaq üçün imkan axtarmasından bəhs olunur.
Bildirilir ki, 1 milyardlıq sərvətə malik Moldova eks-prezidenti Vladimir Voroninin qızını öz nəvəsinə alması ilə dövlətin diqqət mərkəzinə düşən Pənahov həbs olunacağından qorxur.
Məlumatlı mənbə iddia edir ki, Voroninin öz nəvəsini Pənahovun oğluna verməsinə səbəb də məhz oliqarx-məmurun özünün də bir milyarda yaxın sərvətə sahib olmasıdır, hər halda eks-prezidentin- dünyanın ən varlı adamlarından birinin nəvəsi kasıb bir məmur oğluna ərə getməzdi.
Bəs azərbaycanlı oliqarxın oğlu Fuad Pənahov Moldovanın ən zəngin adamı, eks-prezidentin oğlu Oleq Voroninin yeganə övladı ilə necə tanış olub? "İnfotag" və "Publika" portallarına istinadən Rusiya qəzetləri yazır ki, gənclər 2 il öncə Fransanın elitar kurort zonası olan Lacivərd sahillərdə tanış olublar. Moldovanın eks-prezidentinin nəvəsi Katerina Voronina atasının 1 milyard dollarlıq sərvətinin yeganə varisi hesab edilir. O, Kişinyovda kollec bitirib, daha sonra təhsilini davam etdirmək üçün xaricə gedib. Ancaq hansı ölkədə oxuduğu açıqlanmır.
İzdivac baş tutduqdan sonra isə Pənahov boş oturmayıb və Azərbaycanda olan külli miqdarda sərvətini Moldovaya köçürməyə başlayıb.
Məmur-oliqarx moldovan qudasıyla əlbir olaraq, demək olar ki, bu ölkədə bütün biznes sahələrinə barmaq qoyub.
Pənahovun ölkədən qaçmağa hazırlaşmasının digər səbəbi isə adının Fətullah Gülənə yaxın adamlar siyahısında gəlməsidir.
Qeyd edilir ki, Fətullahçıların "Hizmət" təşkilatının Azərbaycandakı əsas "hizmətçisi" yaxın aylarda ölkəni tərk etmək üçün gizli əməliyyata başlayıb. Oliqarx-məmur bütün addımlarını ehtiyatla və yalnız yaxın çevrəsi ilə məsləhətləşib atır. Artıq Pənahovun yüz milyonlarla ölçülən sərvətinin böyük hissəsi Azərbaycandan çıxarılıb və Moldovadakı biznesinə yatırılıb.
Mövzunu diqqətdə saxlayacağıq.
qaynarinfo
