"Davosdan real nəticələr gözləmək yalnış olardı. Amma dövlət başçıları və böyük şirkətlərin rəhbərləri bura ona görə qatılırlar ki, gələcək inkişaf yolunu müəyyən etsinlər. Problemlərin varlığı ətrafında diskusiyya aparsınlar".

Bu sözləri açıqlamasında politoloq Elxan Şahinoğlu deyib.

Elxan Şahinoğlu bildirib ki, Azərbayca prezidenti də ölkədə olan məslələrlə bağlı müzakirə aparacaq: "Artıq bir neçə şirkət rəhbəri ilə İlham Əliyev arasında görüş keçirilib. Şirkət rəhbərləri ilə görüş o baxımdan vacibdir ki, Azərbaycanın çox ciddi investisiyalara ehtiyacı var. Dövlət başçısı bu görüşlərdə iştirak etməklə, həmin şirkətləri Azərbaycana cəlb etmək istəyir. Gələcək əməkdaşlığın təməlini qoyur".

Elxan Şahinoğlu bildirib ki, Davosda iki tərəfli görüşlər də həyata keçrilir: "Bu da iqtisadi əməkdaşlığın yollarının araşıdırlması ilə bağlıdır. Bu o demək deyil ki, Davosda hansısa müqavilə imzalanıb, açıqlama verilməlidir ki, biz Azərbaycanda 1 aydan sonra işə başlayacağıq. Amma Azərbaycanı tanıtmaq və əməkdaşlıq qurmaq baxımından Davos görüşləri çox əhəmiyyətlidir".