yüklənir...
yüklənir...

SON DƏQİQƏ

XalqXəbər.Az
yüklənir...
yüklənir...

Füzuli RİH: Şəhid Zəhra Quliyeva ilə bağlı yayılan məlumatlar həqiqətə uyğun deyil, böhtan xarakterlidir, əsassızdır

Füzuli RİH: Şəhid Zəhra Quliyeva ilə bağlı yayılan məlumatlar həqiqətə uyğun deyil, böhtan xarakterlidir, əsassızdır
28-08-2017, 19:29 72 114 dəfə baxılıb
yüklənir...

Bu gün respublikanın bir sıra Kütləvi İnformasiya Vasitələrində, o cümlədən elektron sayt və portallarda iyulun 4-də Ermənistan Silahlı Qüvvələri tərəfindən Füzuli rayonunun Alxanlı kəndinə atılan top mərmisinin partlaması nəticəsində öz həyətlərində şəhid olan azyaşlı Quliyeva Zəhra Elnur qızının ailəsinə dövlət tərəfindən ev verilməsinə rayon İcra Hakimiyyəti tərəfindən maneçilik törədilməsi, onlardan mənzildən imtina etmələri üçün izahatlar alınması, ailəyə təzyiq göstərilməsi barədə məlumatlar yayılmışdır.
Bildiririk ki, bəzi elektron saytlarda və xəbər portallarında yayılan məlumatlar həqiqətə uyğun deyil, böhtan xarakterlidir, əsassızdır. Belə ki, avqustun 13-də Əsgər Ailələrinə Dəstək İctimai Birliyinin sədri Mətanət Əsgərqızı Alxanlı kəndinə gələrək, şəhid azyaşlı Zəhra Quliyevanın valideynləri ilə görüşmüşdür. Mətanət Əsgərqızı Zəhranın anası Nərminə Quliyevaya söhbət əsnasında demişdir ki, sizə dövlət tərəfindən ev verilməlidir. Nərminə Quliyeva isə cavabında bildirib ki, bu məsələ dövlətin öz işidir. Hər iki halda cənab Prezidentimiz İlham Əliyevə və Birinci vitse-prezident Mehriban xanım Əliyevaya minnətdarıq.
Mətanət Əsgərqızı isə Bakı şəhərinə qayıtdıqdan sonra Nərminə Quliyevanın və ailəsinin məlumatı olmadan onun adından Azərbaycan Respublikasının Birinci vitse-prezidenti Mehriban xanım Əliyevaya müraciət ünvanlamış və həmin müraciəti Mətanət Əsgərqızı özü imzalamışdır.
Həmin müraciət Azərbaycan Respublikasının Prezidenti Administrasiyası tərəfindən baxılmaq üçün rayon İcra Hakimiyyətinə göndərilmişdir. RİHB Aparatının Ərazi idarəetmə və yerli özünüidarəetmə orqanları ilə iş şöbəsinin müdiri Əliyev Qənimət Eldar oğlu həmin müraciətlə bağlı Alxanlı kəndinə gedərək şəhid Zəhra Quliyevanın valideynləri görüşmüş, sözügedən müraciətlə bağlı onlarla söhbət etmişdir. Zəhra Quliyevanın valideynləri Elnur Quliyev və Nərminə Quliyeva belə bir müraciət yazmadıqlarını, imzalamadıqlarını və məlumatları olmadığını bildirmişlər.
Sözügedən məsələ ilə bağlı bəzi saytlarda yazılan xəbərlərlə bağlı şəhid Zəhra Quliyevanın valideynləri və digər qohumları bu gün rayon İcra Hakimiyyətinə gələrək rayon İcra hakimiyyətinin başçısı Alı Alıyev tərəfindən qəbul edilmiş, onlarla söhbət aparılmışdır. Şəhid Zəhra Quliyevanın valideynləri və digər yaxın qohumları saytların yazdıqları xəbərlərdən qəzəbləndiklərini, dövlətdən ev istəmək iddiasında olmadıqlarını, onlara ev verilməsi ilə bağlı hər hansı bir təzyiq göstərilmədiyini bildirmiş bu məsələyə saytlar tərəfindən son qoyulmasını tələb etmişlər.
Şəhid Zəhra Quliyevanın valideynləri və yaxınları baş vermiş faciə ağır olsa da sarsılmamışlar, nikbindirlər, onlar Azərbaycan Respublikasının Prezidenti, Ali Baş Komandan cənab İlham Əliyevə və Azərbaycan Ordusuna inanırlar, güvənirlər, öz doğma kəndlərindən heç hara getmək fikirləri yoxdur.

Füzuli rayon İcra Hakimiyyətinin mətbuat xidməti


www.xalqxeber.az

Mətndə səhv var? Onu siçanla seçin və Ctrl+Enter düyməsini basın.
Teqlər: Fuzuli, Quliyeva, yayilan, Shehid, uygun, bagli, heqiqete, Zehra, bohtan, melumatlar, xarakterlidir, esassizdir, RH, deyil, ile
ŞƏRH YAZ
yüklənir...
yüklənir
OXŞAR XƏBƏRLƏR
VİDEO ÇARX
XƏBƏR LENTİ

22-09-2017

BÜTÜN XƏBƏRLƏR

Sunayla Hüquqdan Danış

[email protected]


/sunayla_huquq_danish/

GÜNDƏM
KÖŞE YAZARLARI
yüklənir...
İDMAN
ŞOU-BİZNES
DÜNYA
FACEBOOK SƏHİFƏMİZ
SON DƏQİQƏ