Münhen Təhlükəsizlik Konfransının rəhbəri Kristof Heusgen Rusiya Təhlükəsizlik Şurasının sədr müavini,  keçmiş prezidenti Dmitri Medvedevi təlxək adlandırıb.

Xalqxeber.az bu barədə "Bild" nəşrinə istinadən xəbər verir.

"Medvedev bu gün təlxəkdir. Bağışlayın, mən bunu söyləmək məcburiyyətində qaldım", bu sözləri diplomat Beynəlxalq Dəniz Gücləri Simpoziumunda çıxış edərkən deyib.

Rusiyanın Ukraynada hərbi əməliyyatı başlayandan bəri Medvedev xarici siyasətlə bağlı dəfələrlə sərt açıqlamalar verib. Məsələn, o, Ukraynanın dünya xəritəsində sonrakı mövcudluğuna şübhə etdiyini bildirib.

Bundan əlavə, o, Qərbə nifrət etdiyini və xarici siyasətçiləri “alçaqlar və degenerativlər” hesab etdiyini iddia edərək, “onların yox olması üçün” hər şeyi edəcəyini vəd edib.