Qazaxıstan prezidenti Nursultan Nazarbayevin nəvəsi Aysultan Nazarbayev ölkə Futbol Federasiyasının vitse-prezidenti seçilib

Bu barədə qərar qurumun bu gün keçirilən iclasında qəbul olunub.

Məlumata görə, Aysultan Nazarbayev vitse-prezident kimi FİFA, UEFA və milli assosiasiyaya üzv qurumlarla əlaqələndirmə işlərinə rəhbərlik edəcək.

Xatırladaq ki, daha əvvəl Aysultan Nazarbayev Qazaxıstan Futbol Federasiyasının işini və onun keçmiş rəhbəri Yerlan Kojaqapanovu dəfələrlə tənqid edib.