Tramp: “Con Kennedinin qətli ilə bağlı bütün sənədlər dərc ediləcək”

Tramp: “Con Kennedinin qətli ilə bağlı bütün sənədlər dərc ediləcək” ABŞ-ın 35-ci prezidenti Con Kennedinin qətli ilə bağlı bütün sənədlər dərc ediləcək.

BAPA-ya istinadən xəbər verir ki, bu barədə ABŞ-ın hazırkı prezidenti Donald Tramp özünün “Tvitter” səhifəsində yazıb.

“Ağ Ev aparatının başçısı Con Kelli, Mərkəzi Kəşfiyyat İdarəsi və digər qurumlarla aparacağım ciddi müzakirələrdən sonra Con Kennedinin qətli ilə bağlı bütün sənədlər dərc ediləcək. Bu, bütün sui-qəsd nəzəriyyələrinə son qoymaq məqsədi ilə ediləcək”, Tramp qeyd edib.

Bununla belə ABŞ prezidenti vurğulayıb ki, adları hallandırılan və hazırda sağ olan şəxslərlə bağlı sənədlər istisna təşkil edəcək.

Qeyd edək ki, oktyabrın 27-də Con Kennedinin 1963 ildə qətli ilə bağlı 3 minədək sənəd ilk dəfə olaraq dərc edilib. Əvvəllər məxfi olan 2891 yeni sənəd ABŞ Milli Arxivinin saytında dərc olunub.
Geri qayıt