Ukrayna ordusu daha bir yaşayış məntəqəsini AZAD ETDİ

Ukrayna ordusunun “Kraken” xüsusi bölməsi və Koş atamanı İvan Serko adına 92-ci ayrı mexanikləşdirilmiş briqada ölkənin Luqansk vilayətinin Novoselivske qəsəbəsini Rusiyanın işğalından azad edib.

Bu barədə “Kraken” teleqramda məlumat yayıb.

“Hücum zamanı düşmən yaşayış məntəqəsindən sıxışdırılıb çıxarılıb, düşmən texnika və canlı qüvvədə itki verib, işğalçıların bir qismi əsir götürülüb.

Kənd Ukrayna ordusunun nəzarətindədir”, - bölmə açıqlayıb.