Əfqanıstan-Pakistan sərhədində atışma: Ölənlər var

 Əfqanıstan-Pakistan sərhədində yerləşən Spin-Boldak-Çaman keçid məntəqəsi yaxınlığında qarşıdurma baş verib. 

Xalqxeber.az xarici KİV-ə istinadən xəbər verir ki, Pakistan Müdafiə Nazirliyinin ictimaiyyətlə əlaqələr xidməti məlumat yayıb.

Atışma nəticəsində altı nəfər ölüb, 17 nəfər yaralanıb.

Məlumatda həmçinin qeyd olunur ki, Pakistan Sərhəd Qoşunları mülki əhalini hədəfə alanlara və təcavüz aktı törədənlərə qarşı cavab tədbirləri görüb.