Rusiya-Ukrayna müharibəsində 35 jurnalist yaralanıb
- 15-03-2022, 19:40
- 916
Bu barədə Ukrayna Ali Radanın insan hüquqları üzrə komissarı Lyudmila Denisova məlumat yayıb.
“Rusiya Federasiyasının işğalçıları Ukraynada törətdikləri hərbi cinayətlərin obyektiv işıqlandırılmasına qarşı mübarizə aparırlar – jurnalistləri öldürür və atəşə tuturlar. Artıq azı 35 jurnalist rus silahlılar tərəfindən yaralanıb. Üç nəfər həlak olub”, - məlumatda deyilir.
Denisova həmçinin, "Jurnalist Viktor Dudar Nikolayev yaxınlığında döyüşlər zamanı itkin düşüb; Operator Yevhen Sakun Kiyevdə raket hücumu nəticəsində həlak olub; ABŞ vətəndaşı, videojurnalist və sənədli film rejissoru Brent Reno Kiyev vilayətinin İrpen şəhərində nəzarət-buraxılış məntəqəsində öldürülüb", - deyə bildirib.
O, düşmənin atəşə tutulması nəticəsində yaralanan jurnalistlərinin vəziyyətlərinin yaxşı olduğunu qeyd edib.