Misir Prezidentİ britaniyalı fəalı əfv edib

Misir Prezidenti Əbdül Fəttah əl-Sisi tanınmış misirli-britaniyalı fəal Alaa Abd əl-Fəttahı əfv edib.

Bu haqda “Al-Qahera News” Misir rəsmilərinə istinadən məlumat yayıb.

Qeyd edək ki, Ərəb Baharının ən tanınmış simalarından olan Alaa Abd əl-Fəttah 2013-cü ildə Sisinin hakimiyyətə gəlməsindən sonra həbs olunub. O, 2014-cü ildə icazəsiz etirazlarda iştirak etdiyinə görə 15 il həbs cəzasına məhkum edilib, daha sonra bu müddət 5 ilə endirilib.