Ermənistan və Qırğızıstan XİN başçıları Vaşinqtonda əldə edilmiş razılaşmaları müzakirə ediblər

Ermənistan və Qırğızıstan xarici işlər nazirləri Ararat Mirzoyan və Jeenbek Kulubayev telefon danışığı zamanı Azərbaycan və Ermənistan arasında Vaşinqtonda əldə edilmiş razılaşmaları müzakirə ediblər.

Bu barədə Ermənistan KİV-ləri ölkə XİN-in mətbuat xidmətinə istinadən məlumat yayıb.

Onlar həmçinin Qırğızıstan-Ermənistan münasibətlərinin inkişafını, regional və beynəlxalq gündəliyə dair məsələləri müzakirə ediblər.