İsrail İranın qərbində 40-dan çox hərbi obyektə zərbə endirib

İsrail Müdafiə Qüvvələri (İDF) bu gün səhər saatlarında İranın qərbində yerləşən daha 40-dan çox hərbi obyektə hava hücumları həyata keçirib. 

Bu barədə məlumatı İsrail ordusu yayıb.

Bildirilib ki, hücumlar zamanı əsas hədəf raket anbarları və raketlə əlaqəli obyektlər olub.

Hücumda təxminən 25 qırıcı təyyarə iştirak edib.

Bununla yanaşı, qeyd olunub ki, İsrail Hərbi Hava Qüvvələrinə məxsus təyyarələr ötən gecə “Emad” tipli ballistik raketlərlə dolu buraxılış qurğusuna da zərbə endirib.