Özbəkistanda İqlim Şurası yaradılır

Özbəkistan Prezidenti yanında İqlim Şurası yaradılacaq.

Prezident Şavkat Mirziyoyev bununla bağlı müvafiq fərman imzalayıb.

Şura iqlim dəyişikliyinin səbəb olduğu fəsadların yumşaldılması və onlara uyğunlaşma məsələləri üzrə ali məşvərət orqanı olacaq.

Şuranın əsas vəzifələri Özbəkistanın BMT-nin İqlim Dəyişmələri üzrə 1992-ci il tarixli Çərçivə Konvensiyası və 2015-ci il tarixli Paris sazişindən irəli gələn öhdəlikləri yerinə yetirməsinin monitorinqindən ibarət olacaq.