Türkiyəli 29 yaşlı futbolçu xərçəngdən öldü

 Türkiyənin 2-ci liqasında yer alan “Serik Bələdiyyəspor”da forma geyinən 29 yaşlı futbolçu Mömin Talib Pazarlı vəfat edib.

Bu barədə klubdan məlumat verilib.

Futbolçunun qan xərçəngindən vəfat etdiyi bildirilib.

Klubdan bildirilib ki, futbolçuya bir müddət öncə qan xərçəngi diaqnozu qoyulmuşdu.

1 ay əvvəl “Ankara Dəmirspor” klubundan transfer olan futbolçu sonuncu dəfə yanvarın 31-də “Mərsin İdmanyurdu”na qarşı keçirilən oyunda iştirak etmişdi.