SON DƏQİQƏ
XalqXeber.Az » Sosial » Valideyndən Mikayıl Cabbarova müraciət

Valideyndən Mikayıl Cabbarova müraciət

Tarix:

24-01-2017, 16:23

/ 1 788 dəfə oxundu.
Valideyndən Mikayıl Cabbarova müraciət

Son zamanlar ibtidai sinif dərsliklərinin çətin olması ilə bağlı valideynlərin sosial şəbəkələrdə şikayətləri çoxalıb.

xalqxeber.az xəbər verir ki, onlardan biri də həkimin Təhsil nazirinə müraciətidir. Qadının müraciəti qısa zamanda sosial şəbəkələrdə, xüsusilə də vatsapda geniş yayılıb. Müraciəti ünvanlayan qadın tibb elimləri namizədi olsa da, dərslikləri oxuyub övladlarına başa sala bilmədiyini yazıb. Bildirib ki, çətin təhsil sistemi uşaqları stress altına salır. Nazir Mikayıl Cabbarova edilən müraciətdə valideyn yazır:

“Övladlarım orta məktəbdə təhsil alır. Mən bir tibb elmləri namizədi kimi bütün fənlərin dərsliklərini oxuyub övladıma başa salmağa çalışıram. O qədər məntiqsiz, ardıcıllığı olmadan yazılıb ki, mən 1993-cü ildə Tibb Universitetinə daxil olarkən belə anlaşılmaz cümlələr nə oxudum, nə də öyrəndim. Bir ziyali kimi sizdən soruşmaq istərdim: Siz yazılan bu ədəbiyyatları heç oxuyursuzmu? Oxuduğunuzu anlaya bilirsizmi?

Hazırda orta məktəblərdə müəllimlər belə uşaqlara dərs keçməyə əziyyət çəkir. Mən Sovet dönəmində keçdiyim dərsliklərdəki mövzuları xatırlayıram, hətta keçdiklərimi əzbər də söyləyə bilərəm. Ancaq indi şagirdlər keçən il keçdiyini bu il soruşanda bilmir. 9-cu sinif kitablarını açın. Tam qarışıq, bir-biri ilə əlaqəsi, keçidi olmayan mövzulardır. Kitabları, mövzuları, şəhadətnamə imtahanlarını dəyişdiniz. Şagirdlər bu sistemin dəyişməsi ilə əlaqədar stress yaşayırlar, sağlamlıqları gedir”.

Mövzunun aktual olduğunu nəzərə alaraq “Qafqazinfo” Təhsil Nazirliyinə rəsmi sorğu göndərib. Lakin Təhsil Nazirliyinin İctimaiyyətlə iş sektorunun müdiri Cəsarət Valehov sorğuya cavab vermək əvəzinə saytın əməkdaşına tövsiyə verib:

“Bəlkə bu dəfə sorğuya cavab verməyək? Növbəti sorğunuza cavab verərək əməkdaşlıq edərik”.

Nazirlik rəsmisi sorğuya nə üçün cavab vermədiyini açıqlamayıb.

Şərhlər

XƏBƏR LENTİ