SON DƏQİQƏ
XalqXeber.Az » Sosial » Deputat unun qiymətini artırıb

Deputat unun qiymətini artırıb

Tarix:

14-10-2019, 12:12

/ 671 dəfə oxundu.
Deputat unun qiymətini artırıb

Son vaxtlar Azərbaycanda bəzi ərzaq mallarının bahalaşdığı bildirilir. Xüsusilə unun, çayın və başqa bir neçə məhsulun qiymətində artım olduğu vurğulanır.

Paytaxt sakinlərinin deməsinə görə, yaxın vaxtlara qədər “Karmen” MMC-nin məhsulu olan 50 kiloqramlıq bir kisə unu 25 manata alıblar. Amma oktyabrın 12-də onu 28 manata aldıqlarını qeyd edirlər.

Gununsesi.org xatırladır ki, “Karmen” şirkəti deputat Əsabil Qasımova məxsusdur.

Son vaxtlar bəzi növ çayların da Bakıda 20 faiz bahalaşdığı deyilir.

Marketlerdə bunu həmin məhsulların qiymətlərinin topdan satış məntəqələrində artması ilə izah ediblər. Amma məsələyə, hələlik, rəsmi qurumlardan münasibət almaq mümkün olmayıb.

Dövlət Statistika Komitəsinin istehlak bazarında qiymətlərin dəyişməsi haqqında son məlumatda isə ucuzlaşmadan bəhs edilirdi. Orada yazılmışdı ki, bu ilin avqust ayında iyul ayına nisbətən istehlak məhsullarının və xidmətlərin qiymətləri 0,3 faiz ucuzlaşıb. Qurumun açıqlamasına görə, ərzaq məhsulları, içkilər və tütün məmulatlarının qiymətləri 0,8 faiz ucuzlaşıb, əhaliyə göstərilən ödənişli xidmətlərin qiymətləri 0,1 faiz bahalaşıb, qeyri-ərzaq mallarının qiymətləri isə sabit qalıb.

Müstəqil ekspertlər rəsmi rəqəmlərə şübhə ilə yanaşırlar.

Şərhlər

XƏBƏR LENTİ