XalqXəbər.Az

Daha 30 rayonda günərzi qayğı mərkəzi yaradılacaq

Daha 30 rayonda günərzi qayğı mərkəzi yaradılacaq
10-06-2019, 17:46

Nəticədə 58 rayonda belə mərkəzlər fəaliyyət göstərəcək

Prezident İlham Əliyevin “Xüsusi qayğıya ehtiyacı olan uşaqlara və digər şəxslərə göstərilən sosial xidmətlərin genişləndirilməsi üçün əlavə tədbirlər haqqında” 1 iyun 2019-cu il tarixli Sərəncamı ilə daha daha 30 rayonda günərzi qayğı mərkəzi yaradılacaq.
Mərkəzlər Əmək və Əhalinin Sosial Müdafiəsi Nazirliyinin sifarişləri əsasında ixtisaslaşmış qeyri-hökumət təşkilatları tərəfindən müvafiq layihələr çərçivəsində təşkil ediləcək. Həmin mərkəzlərdə çətin həyat şəraitində olan, o cümlədən sağlamlıq imkanları məhdud uşaqların sosial xidmətlərə çıxışının təmin edilməsi və dövlət uşaq müəssisələrinə düşməsinin qarşısının alınması məqsədi ilə onlara günərzi reabilitasiya yönümlü sosial xidmətlər göstəriləcək.
Uşaqların bacarıqlarının artırılması üçün işlər aparılacaq, maraq və qabiliyyətləri nəzərə alınmaqla müxtəlif dərnəklər yaradılacaq. Onların vaxtlarını səmərəli keçirmələri məqsədilə müxtəlif mədəni tədbirlər, ekskursiyalar, əyləncə mərkəzlərinə gəzintilər təşkil olunacaq.
Qeyd edək ki, hazırda nazirliyin sifarişləri əsasında 28 rayonda günərzi qayğı mərkəzi fəaliyyət göstərir. 1 iyun 2019-cu il tarixli Sərəncamın yaratdığı imkanlar nəticəsində artıq 58 rayonda belə mərkəzlər fəaliyyət göstərəcək.

AZƏRBAYCAN RESPUBLİKASI
ƏMƏK VƏ ƏHALİNİN SOSİAL MÜDAFİƏSİ NAZİRLİYİNİN
İCTİMAİYYƏTLƏ ƏLAQƏLƏR VƏ KOMMUNİKASİYA ŞÖBƏSİскачать dle 12.1

OXŞAR XƏBƏRLƏR

Materiallardan istifadə edərkən sayta mütləq istinad olunmalıdır. Bütün hüquqlar qorunur.