“Bakı Nəqliyyat Agentliyi ilə bağlı müəyyən problemlər var”.
ONA-nın məlumatına görə, bunu bu gün Milli Məclisin plenar iclasında millət vəkili Fazil Mustafa söyləyib.
F.Mustafa deyib ki, dayanacaqlar yuyulmur: “Piyada zolaqlarının da böyük hissəsi çəkilmir. Əvvəllər bu səlahiyyət Daxili İşlər Nazirliyində olanda bu sahədə bu işlər operativ görülürdü. Diqqət edirəm, yalnız vəzifəli şəxslərin keçdiyi yolları sahmana salırlar. Məsələn, Sabunçu rayonunun əksər qəsəbələrində bu piyada zolaqları çəkilmir. Bununla bağlı məsələlərə diqqət edilməlidir”.
