SON DƏQİQƏ
XalqXeber.Az » Sosial » Məktəb başladı, amma bu məktəbdə nə müəllim var, nə də dərslik

Məktəb başladı, amma bu məktəbdə nə müəllim var, nə də dərslik

Tarix:

20-09-2018, 09:43

/ 2 374 dəfə oxundu.
Məktəb başladı, amma bu məktəbdə nə müəllim var, nə də dərslik

Tədris ili başlasa da, Hövsan qəsəbəsində yerləşən məktəbdə şagirdlərə dərs deyəcək riyaziyyat müəllimi yoxdur.

Bu məlumatı Cebhe.info-ya qəsəbədəki Vaqif Mirzəliyev adına 281 nömrəli orta məktəbin 7 “c” sinif şagirdinin valideyni verib. O qeyd edib ki, sözügedən sinifdə riyaziyyatdan dərs keçəcək müəllim yoxdur. Həmçinin məktəbdən şagirdlər üçün “Rus dili” fənni üçün kitab verilmir və Təhsil Nazirliyindən kitabın gəlmədiyi bildirilərək, valideynlərə dərsliyi almaq tapşırılır. Məsələni məktəblə aydınlaşdırmaq üçün dəfələrlə zəng etsək də, məktəbin telefonu gün ərzində daim məşğul göstərib.

Daha sonra məsələ ilə bağlı olaraq Təhsil Nazirliyinin mətbuat xidmətinin rəhbəri Cəsarət Valehovla əlaqə saxlamağa çalışsaq da, bu da baş tutmayıb.

Bakı Şəhəri üzrə Təhsil İdarəsinin (BŞTİ) mətbuat katibi Bəşarət Məmmədov isə Cebhe.info-ya bildirib ki, şikayətçinin ad, soyadı bildirilmədiyi üçün məsələ araşdırıla və ya məlumat verilə bilməz.

Xatırladaq ki, saytımıza daxil olan şikayətləri anonim halda ancaq o halda qəbul edirik ki, şikayətçi öz ad- soyadını və əlaqə nömrələrini bizə bildirsin. Ancaq bundan sonra şikayətçini anonim saxlamaqla, məsələni aydınlaşdırmağa çalışırıq.

Şərhlər

XƏBƏR LENTİ