Sosial şəbəkələrdə 26 il öncə Xocalıda keçirilən son toy mərasiminin xatirə fotosu yayılıb.

“İsayevin səhifəsi” adlı “Facebook” səhifəsində paylaşılan foto ilə bağlı belə bir izah verilib:

“Bu, kəndimizdə son toy oldu. Gəlinin sağında dayanan şərfli oğlan və iki qardaşı əsir düşdü. Bəyin sağdişi də əsir götürüldü. Sonra da o yaraşıqli oğlanları vəhşicəsinə, əzab verərək öldürmüşdülər. Əlində boşqab, üzünü arxaya çevirən xalam qızı Çiçəkdir. Faciə gecəsi öldürüldü. 7 gün sonra cəsədini gətirmək mümkün oldu”.