TƏBİB bu şöbəyə işçi axtarır

TƏBİB-in tabeliyində fəaliyyət göstərən tibb müəssisələrində ictimaiyyətlə əlaqələr üzrə 17 işçiyə ehtiyac var.

Bunu qurumun İctimaiyyətlə əlaqələr və marketinq departamentinin rəhbəri Zamirə Ədilova deyib.

TƏBİB-in tabeliyində 90 tibb müəssisəsinin olduğunu xatırladan Z.Ədilova bildirib ki, həmin xəstəxanalarda ictimaiyyətlə əlaqələr üzrə ştat vahid sayı 110-dur: "Bu ştat üzrə hazırda çalışan işçilərin sayı 83 nəfərdir. Ümumilikdə isə bu sahə üzrə 17 yer vakantdır. Ştat vahidi olmayan yerlərin sayı isə 3-dür".