Vilayət Eyvazov bu polis rəisini işdən çıxardı - ƏMR

 
Daxili İşlər Nazirliyində yeni kadr dəyişikliyi olub.

Xalqxeber.az lent.az-a istinadən xəbər verir ki, bununla bağlı Daxili İşlər naziri, general-polkovnik Vilayət Eyvazov müvafiq əmrlər imzalayıb.

Əmrlərə əsasən, Sabunçu rayon Polis İdarəsinin 13-cü Polis Bölməsinin rəisi Nasir Babayev tutduğu vəzifədən azad edilib. O, Nərimanov rayon Mühafizə İdarəsinin rəis müavini vəzifəsinə təyinat alıb.

Sabunçu rayon Polis İdarəsinin 13-cü Polis Bölməsinin rəisi vəzifəsini isə Əli Əsədullayev icra edir.