Elman Rüstəmovun müavininin oğlu işdən çıxarıldı

"Azmikroinvest" MMC-nin (bank olmayan kredit təşkilatı) rəhbəri dəyişib.

Qasım Babayev Aftandil oğlu BOKT-un baş direktoru vəzifəsindən ayrılıb. Onu bu vəzifədə Mansur Talıblı Qoşqar oğlu əvəz edib.

Mansur Talıblı 2020-ci ilin noyabrında “Azmikroinvest” BOKT-a hüquqşünas kimi gəlib.

O, buna qədər “MuğanBank” ASC-də çalışmışdı.

Qeyd edək ki, “Azmikroinvest” BOKT 2014-cü ildə yaradılıb, 1.5 milyon nizamnamə kapitalına sahibdir. Səhmlərinin 100%-i İlqar Əhmədzadəyə məxsusdur.

Onu da əlavə edək ki, Qasım Babayev Mərkəzi Bankın İdarə Heyəti sədrinin müavini Avtandil Babayevin oğludur.