Pul, pul gətirər – Əhməd Əhmədzadəyə gətirdiyi kimi
- 19-02-2019, 14:11
- 1 080
Bəs bu qədər vəsaitlə görülmüş işlərin həcmi üst-üstə düşürmü? Ayrılmış vəsaitlərlə respublikanın meliorasiya və su təsərrüfatı sistemində görülən işləri müqayisə etdikdə daha çox Əhməd Əhmədzadənin xaricdəki hələ bizlərə bəlli olan əmlaklarının sayı daha çox üst-üstə düşür. Təbii ki, bu sahədə müəyyən işlər də görülür. Amma görülən işlərdə dövlət vəsaitlərinin mənimsənilməsi hallarına da yol verilir ki, bu da Əhməd Əhmədzadə və onun özü kimi qocaman idarə müdirlərinin varlanmasına gətirib çıxarır. Götürək elə cənab Prezidentin son sərəncamında nəzərdə tutulmuş qış otlaqlarının su təminatı sistemlərinə nəzarət idarələrini. Meliorasiya və Su Təsərrüfatı Açıq Səhmdar Cəmiyyətinin strukturuna 7 qış otlaqlarının su təminatı sistemlərinin istismarı idarələri daxıldir. Onlar əsasən respublikanın cənub qərb,aran,mil-muğan və cənub şərq bölgələrini əhatə edir. Bu idarələrdən bir neçəsinin,daha doğrusu tanıdığımız bir neçəsinin fəaliyyətinə qısa nəzər salmaq istərdik.
Meliorasiya və Su Təsərrüfatı Açıq Səhmdar Cəmiyyətinin strukturuna daxıl olan ən böyük idarələrdən birincisi Ceyrançöl Qış Otlaqlarının Su Təminatı Sistemlərinin İstismarı idarəsidir ki, müdiri Nizami Vəliyevdir. Artıq neçə illərdir bu idarənin müdiri vəzifəsini daşıyan Nizami Vəliyevi iş yerində tapmaq çox çətin məsələdir. İdarənin Tovuz rayonunda yerləşməsinə baxmayaraq Ceyrançölün ərazisi Gürcüstan sərhədlərindən başlayaraq Kür çayının sol sahili boyu Şəmkir və Samux rayonları ilə yanaşı Mingəçevir Su Anbarına qədər uzanan bir ərazidə yerləşir. Sözügedən idarənin nə qədər işçisinin olması heç kimə bəlli deyil. Buraya respublikanın qərb bölgəsindən qışlamaq üçün yüzlərlə fermerlər,mal-qara sahibləri üz tutur. Nizami Vəliyev isə Ceyrançoldə yerləşən otlaq sahələrini, fermaları su ilə təmin etmək üçün mal qara sahiblərinə haqq qoyur.Yaz ayları başlayan kimi Ceyrançöldə hektarlarla qarpız və yemiş əkənlər su üçün ancaq Nizami Vəliyevi görməli olurlar. Məlumata görə Ceyrançöldə Nizami Vəliyevə məxsus yüz hektarlarla torpaq sahələri var ki, ancaq icarəyə verir. Burada icarə haqqlarını kimlər müəyyənləşdirir, kimlərin cibinə gedir onu təbii ki, Nizami Vəliyev daha yaxşı bilir.
Bozdağ Qış Otlaqlarının Su Təminatı Sistemlərinin İstismarı İdarəsi də Ceyrançöldən heç fərqlənmir. Mingəçevir şəhərində yerləşən bu idarənin funksiyası nədən ibarətdir,əhaliyə harada nə kimi xidmət göstərildiyi bəlli deyil. Müdiri Akif İbrahimov olan bu idarənin də işçilərinin sayı bəlli deyil. Amma Akif İbrahimov uzun müddətdir ki, bu vəzifənin başındadır.Məlumatlara görə Akif İbrahimov vaxtının çoxunu Kür çayının sahillərində yeyib-içməkdə keçirir.Mingəçevir və Bərdə şəhərlərində obyektlərə sahib Akif İbrahimovun məlumata görə Bakı şəhərində də mülklərə sahibdir.
Mil-muğan Qış Otlaqlarının Su Təminatı Sistemlərinin İstismarı İdarəsi də İmişli rayonunda yerləşir. Bu idarin də əhatə dairəsi heç kimə bəlli deyil. İdarənin müdiri Allahverdi Əliyev də uzun müddətdir ki, bu vəzifənin başındadır. Məlumatlara görə Allahverdi Əliyevin İmişlidə və ətraf rayonlarda obyektləri, fermer təsərrüfatları var ki, idarə ancaq bu fermer təsərrüfatlarına çalışır. 50 min hektar ərazidəki otlaqlarda əsasən İmişli, Saatlı, Lerik, Yardımlı, Biləsuvar rayonlarından qışlama dövrü üçün gətirilmiş heyvan sürülərini, yataqları və kommunikasiyaları su ilə təmin ediən bu idarə. fermer təsərrüfatlarının, daha dəqiq desək, onların bəslədikləri davarların, otlaq sahələrinin su ilə təminatı ilə məşğul olur. Daha dəqiq desək onlara su satır.Nəzərə alsaq ki, bu təsərrüfatlarda, xırda və iribubuynuzlu heyvanların çoxluğu Allahverdi Əliyevin də gəlirlərinin çoxalmasına sirayət edir.Məlumata görə Allahverdi Əliyevin də paytaxtda bir neçə evi,bahalı maşınları var ki, bütün bunları məhz işlədiyi idarədə mənimsədiyi dövlət vəsaitlərinin hesabına əldə edib.
Pirsaat Qış Otlaqlarının Su Təminatı Sistemlərinin İstismarı İdarəsi o birilərindən heç nə ilə fərqlənmir. Hacıqabul rayonunun Pirsaat qəsəbəsində yerləşən bu idarəyə iyirmi ildən çoxdur ki, Mafizət Cəfərov adlı şəxs rəhbərlik edir. Gözdən -könüldən uzaq bu idarə də işçilərin sayı bəlli deyil, görülən işlərdən isə danışmağa dəyməz. Verilən məlumatlara görə Mafizət Cəfərovun Hacıqabul rayonunda və Şirvan şəhərində restoranları, Pirsaatda femalları, Bakıda evləri və ət mağazası var. bütün bunların hamısıni isə Mafizət Cəfərov budcədən ayrilmış vəsaitləri müxtəlif yollarla mənimsəyərək şəxsi biznesini çiçəkləndirib.
Maraqlı burasıdır ki adları çəkilən idarələrdə ən başlıca yeyinti elan olunmuş tenderlər vasitəsi ilə həyata keçirilir. Məsələn bu idarələr hər il, carı və əsaslı təmir üçün tikinti materiallarının alınması üçün tenderlər elan edirlər. Bu tenderlərdə kimlərin qalib olması o qədər də maraqlı deyil. Maraqlı olan odur ki, əsalı təmirə tender keçirildikdən sonra cari təmir üçün tender elan etməyə ehtiyac qalırmı? Axı qanuna görə əsaslı təmirə dövlət hər beş ildən bir vəsait ayırır və əsaslı təmir olunmuş hər hancı obyektə carı təmir üçün vəsait ayrılmır. Belə çıxır ki,bu idarələrdə tikinti işləri neçə illərdir dayanmır. Digər tenderlərə nəzər salaq. Nəqliyyat vasitələrinin, mexanizmlər üçün ehtiyyat hissələrinin, mexaniki və elektrik avadanlıqlarının, nasos-güc avadanlıqlarının, hidrotexniki qurğuların ehtiyyat hissələrinin, elektrik mühərriklərinin əsaslı təmiri üçün keçirilən tenderlərdə nə qədər vəsaitlər oynayır, kim alır, kim satır,bəlli deyil. Bəlli olan odur ki, Əhməd Əhnədzadə və onun komandası ildən ilə varlanır,imkanları respublikanın hüdudlarından kənara çıxır.
Sonra da dövrü mətbuat yazır ki, Meliaorasıya və Su Təsərrüfatı Açıq Səhmdar Cəmiyyətinin sədri Əhməd Əhmədzadənin Avropa ölkələrində biznes şəbəkələri var. Bu biznes şəbəkələri Əhməd Əhmədzadəyə məxsus olmayıb,bəs kimə məxsus olmalıdır? Əhməd Əhmədzadənin adlarını çəkdiyimiz bu idarələrinin müdirlərinin Azərbaycanda sahib olduqları var dövləti hər hansı bir müəllim, həkim, sadə zəhmətkeş insan bir ömür boyu çalışsa da əldə edə bilməz. Amma göründüyü kimi Əhməd Əhmədzadə və onun komandası qazanır.Haqqında yazılanlara baxmayaraq, yenə pullar ayrlır, milyonlarla. Qış otlaqlarının suvarma sistemlərini yaxşılaşdırmaqla bərabər, xaricdəki biznesi də genişləndirmək üçün. Necə deyərlər pul, pul gətirər.
Aktualinfo.org