Azərbaycan motoklublarının prezidentlərinin strateji görüşü keçirildi

Ötən gün Hilton Baku otelində Azərbaycan Motosiklet İdmanı Federasiyasının təşəbbüsü ilə Azərbaycan motoklublarının prezidentlərinin strateji görüşü keçirilib.

Görüş Bakının 2026-cı il üçün “World Capital of Sport” (Dünya İdman Paytaxtı) statusuna seçilməsi fonunda, Azərbaycan Respublikasının Gənclər və İdman Nazirliyinin dəstəyi ilə təşkil olunur və ölkədə motoidmanın inkişafına yönəlib.

Əsas müzakirə mövzuları sırasında Bakı və Azərbaycan tarixində ilk genişmiqyaslı motoparadın təşkili, beynəlxalq mototurlar, motosportun inkişafı və motoklublar arasında əməkdaşlığın gücləndirilməsi yer alır.