FHN bu helikopterlərə yarım milyon xərcləyəcək

Fövqəladə Hallar Nazirliyinin Aviasiya Dəstəsi KA-32A tipli helikopterlərdə istismar olunan 4 ədəd TV3-117VMA mühərriklərinin təmirəqədər resursunun artırılmasına, 4 ədəd TV3-117VMA və 1 ədəd Aİ-9 mühərriklərinin təmirəqədər istismar müddətlərinin və resursunun artırılması xidmətinə 505 155 AZN sərf edəcək.
 
Pravda.az-ın xəbərinə görə,  bu xidmət “Falcon İnternational Fze” şirkəti tərəfindən göstəriləcək.
 
Bağlanan müqavilə üzrə satınalma proseduru dövlət satınalmalarının vahid internet portalında keçirilməyib, yəni “Bir mənbə metodu” tətbiq olunub, satınalma birbaşa olub.