Azərbaycan Çinlə iqtisadi əməkdaşlığın gündəliyindəki məsələləri müzakirə edib

Azərbaycan və Çin arasında iqtisadi əməkdaşlığın gündəliyində olan məsələlər nəzərdən keçirilib.

Bunu iqtisadiyyat naziri Mikayıl Cabbarov "X" sosial şəbəkəsindəki hesabında bildirib.

Nazir qeyd edib ki, bununla bağlı müzakirələr Çinin ölkədəki səfiri Lu Mey ilə görüşdə aparılıb: "Görüşdə ölkələrimiz arasında münasibətlərin strateji tərəfdaşlıq səviyyəsinə yüksəlməsini məmnunluqla vurğuladıq. Ticarət, sənaye,investisiya, enerji, nəqliyyat və rəqəmsal iqtisadiyyat sahəsində birgə fəaliyyətin perspektivlərini qeyd etdik".