Vergi orqanları tərəfindən aparılan operativ nəzarət tədbirləri nəticəsində “İNCİ GROUP OF COMPANİES” Qapalı Səhmdar Cəmiyyətinə bir sıra qanun pozuntuları aşkar edilib.
Əldə etdiyimiz məlumata görə, Dövlət Vergi Xidmətinin əməkdaşları tərəfindən tərtib edilmiş aktlara əsasən, şirkət POS-terminal quraşdırıldığı halda nağdsız ödənişlərin qəbulundan imtina edilməsi faktı ilə üzləşib. Bu səbəbdən şirkətə maliyyə sanksiyası tətbiq olunub.
Bundan əlavə, əhali ilə pul hesablaşmalarının aparılması qaydalarına riayət olunmaması ilə bağlı 5 ayrı akt üzrə də cərimələr tətbiq edilib. Cəmi altı hüquq pozuntusu əsasında şirkətə sanksiyalar tətbiq olunub.
Şirkətin qanuni təmsilçisi İsa Abbasov Qurban oğludur və nizamnamə kapitalı 12.000 manat təşkil edir.

Qeyd edək ki, “İNCİ GROUP OF COMPANİES” QSC “Marsol” MMC-nin tərəfdaşlarından biridir.

“Marsol” MMC-yə isə Tural Mustafayev rəhbərlik edir.(32gün.az)