"Heç Turxan Süleymanın belə elmi dərəcəsi yoxdur..." - ETİRAZ VAR...

Keçmiş deputat, təhsil eksperti Etibar Əliyev Elm və Təhsil Naziri Emin Əmrullayevi TOPA TUTUB... Dia-az.İnfo xəbər verir ki, nazirin konkret açıqlamasına istinad edən ekspert olduqca ilginc iddialar səsləndirib.
İlk əvvəl Emin Əmrullayevin rezonans doğuraraq müzakirəyə səbəb olan açıqlamasını təqdim edirik: "Müasir elmi tədqiqatlar çox böyük maliyyə tələb edir. Amma biz daha uyğun sahələrdə nailiyyət əldə edə bilərik. Kifayət qədər çox ictimai müzakirə var. Amma onların içərisində elm çox azdır. Bu hay-küylü fikirlərdən elmə gedən yollarda nümunələrə ehtiyac var. Elmlə məşğul olan insanları biz tanımırıq, görmürük."

"Bu sözlərdən sonra bədnam qonşularımız bizim millət haqqında nə düşünər?" deyə sual edən Etibar Əliyev daha sonra əlavə edib:

"Elm və Təhsil naziri Azərbaycanda elmlə məşğul olan insanları görmür, tanımır? Bəs elmlə məşğul olanlar nəyi görmürlər? Təəssüflər olsun ki, onlar gördüklərini deyə bilmirlər. Əmrullayevin təbiri ilə desək hay-küy salırlar.

Onlar bilirlər ki, nəinki Elm və Təhsil Nazirinin, heç Elm və ali təhsil siyasəti şöbəsinin müdiri Turxan Süleymanın belə elmi dərəcəsi yoxdur. XXI əsrin acı həqiqətləri: elmdən xəbəri olmayan elmdən, təhsili bilməyən təhsildən danışır... Elm və təhsil bu səviyyədə bəsitləşəndən sonra…"