Xəzərin icra başçısı Elşən Salahova ittiham - Büdcə təşkilatları Gülşən Paşayeva üçün səfərbər edilib?

Xəzər rayonunda yerli qurumlar 13 saylı Xəzər ikinci seçki dairəsindən bitərəf namizəd olan Gülşən Paşayevanın təbliğat kampaniyasına yardım etməyə başlayıb.
Reportyor.info xəbər verir ki, bu barədə həmin dairədən Ümid Partiyasının namizədi Şükür Cavadov bildirib.
Onun sözlərinə görə, Xəzər Rayon İcra Hakimiyyətinin başçısı Elşən Salahovun tapşırığı əsasında Binə qəsəbəsində yerləşən qurumlar öz işçilərini məcbur şəkildə Gülşən Paşayeva ilə görüşə çağırıblar. Görüşdən imtina edənlər isə işdən çıxarılmaqla hədələnir.
Gülşən Paşayeva Beynəlxalq Münasibətlərin Təhlili Mərkəzinin İdarə Heyətinin üzvüdür.