QHT sədri BMT-nin Narkotik Vasitələr üzrə Komissiyasının 67-ci sessiyasında iştirak edir

 Vyanada BMT-nin Narkotik Vasitələr üzrə Komissiyasının 67-ci sessiyası öz işini davam edir. Sessiyada dünyanın müxtəlif ölkələrindən QHT-lərin də iştirakı ilə Narkotiklərlə mübarizə siyasətlərində profilaktika strategiyalarının effektiv həyata keçirilməsi üçün gənclərin səlahiyyətlərinin artırılması, anti-narkotik siyasəti və narkotiklərin qarşısının alınmasında gənclərin iştirakının rolu ilə bağlı məsələlər müzakirə olunur.

67-ci sessiyada Azərbaycan tərəfdən Azərbaycan Respublikasının Gənclər və İdman Nazirliyinin İctimai inkişaf sektorunun müdiri Elşən Qəhrəmanov, nazirliyin Gənclər evləri ilə iş sektorunun baş məsləhətçisi Mahmud Məmmədzadə və “Gənclərin Anti-Narkomaniya” ictimai birliyinin sədri Büllur Məmmədova iştirak edirlər.