Bakı Slavyan Universitetində Nizami Gəncəviyə həsr olunmuş növbəti tədbir

Bakı Slavyan Universitetində Nizami Gəncəviyə həsr olunmuş növbəti tədbir Mayın 3-də Bakı Slavyan Universitetinin (BSU) Məktəbəqədər və ibtidai sinif müəllimliyi fakültəsinin İbtidai təhsil kafedrasının dosenti Çimnaz Məmmədovanın təşkilatçılığı ilə “Nizami Gəncəvi İli”nə həsr olunmuş onlayn formada tədbir keçirilib. Onlayn tədbirdə BSU-nun İbtidai təhsil kafedrasının əməkdaşları, Məktəbəqədər və ibtidai sinif müəllimliyi fakültəsinin III tədris ili tələbələri iştirak ediblər.
Tədbirdə III tədris ili tələbələrindən Vüsalə Qədirova, Gülnaz Əliyeva, Zeynəb Sadıqova, Səbinə Şirinzadə, Jalə Əfəndiyeva, Dilarə Əzizova, Xədicə Səfiyeva, Zemfira Əmirova, Aytac Muradova,  Sabrina Qafarova Nizami Gəncəvinin həyat və yaradıcılığı barədə məruzələrlə çıxış ediblər.
Sonra Nizami Gəncəvinin şeirlərindən parçalar  səsləndirilib, şairin əsərlərinə həsr edilmiş musiqilər dinlənilib.
    Tədbirin sonunda İbtidai təhsil kafedrasının müdiri, dosent Aytəkin Axundova, dosent Şükufə Ağakişiyeva, kafedranın müəllimləri Zərifə Məmmədova, Sevinc Qarayeva, Arzu Məmmədova tədbir barədə müsbət fikirlər səsləndirib, tələbə-gənclərə maraqlı çıxışlarına görə minnətdarlıqlarını bildiriblər.




Geri qayıt