Azərbaycan Uşaqları Birliyinin sədri Kəmalə Ağazadənin barəsindəki cinayət işinin materialları baxılması üçün Bakı Ağır Cinayətlər Məhkəməsinə göndərilib. Cinayət işi hakim Zeynal Ağayevin icraatında araşdırılacaq. Məhkəmənin hazırlıq iclası aprelin 30-na təyin edilib.
Qeyd edək ki, K. Ağazadə Cinayət Məcəlləsinin 308.1 (vəzifə səlahiyyətlərindən sui-istifadə), 178.3.2 (dələduzluq; külli miqdarda törədildikdə) maddələri ilə ittiham edilir. Onun barəsində polisin nəzarətinə verilmə qətimkan tədbiri seçilib.