Heydər Əsədov nədən bu vətəndaşa borcu ödəmir? - ŞİKAYƏT

Heydər Əsədov nədən bu vətəndaşa borcu ödəmir? - ŞİKAYƏT Ölkədə insan hüquq və azadlıqlarının pozulması gündəlik bir mövzuya çevrilib. Məhkəmələrdən gileyli vətəndaşlar bilmir ki, problemlərini kimlərə və yaxud hansı qurumlara desin. Hüquq-mühafizə orqanlarından, məhkəmələrdən şikayətçi olan vətəndaşlardan biri də İmişli rayon sakini, Yeni Azərbaycan Partiyasının (YAP) üzvü Mahmud Qasımovdur. Hansı ki, o, illərdir məhkəmə çəkişmələrindən əziyyət çəkir.

“Bu günə qədər də qərar tam icra olunmayıb”

4 iyul 1978-ci ildən 11 yanvar 1999-cu il tarixinə qədər İmişli rayon Kənd Təsərrüfatı İdarəsində çalışan M. Qasımov deyir ki, bir müddət orada işləyəndən sonra idarənin adı dəyişidirildi, Aqrar Sənaye Kombinatı oldu: “Aqrar Sənaye Kombinatında dövlət texniki nəzarət müfəttişi, sonra da baş dövlət texniki nəzarət müfəttişi vəzifəsində işləmişəm. İşlədiyim əvvəlki illər ərzində, eləcə də 2 yanvar 1997-ci ildən 11 yanvar 1999-cu il tarixinə qədər əməhaqqımı ala bilmədiyim müddətdə Kənd Təsərrüfatı Nazirliyi və rayon rəhbərliyi tərəfindən heç bir töhmət almadan, mən də digər mütəxəssislər kimi gündəlik işə davamiyyət haqqında cədvələ imza etmişəm. Bütün bunlara baxmayaraq, mənə 2 yanvar 1997-ci ildən 11 yanvar 1999-cu ilə tarixinə kimi aylıq əmək haqqı vermədilər. 1997-ci ildən rayon rəhbərliyinə, məhkəməyə müraciət etdim, heç bir faydası olmadı. Nəhayət, Kənd Təsərrüfatı Nazirliyi Aqrar Sənaye Kombinatı Səbail rayonunda yerləşdiyinə görə, mən Kənd Təsərrüfatı Nazirliyinə, eyni zamanda Səbail rayon məhkəməsinə müraciət etdim. Bu müraciətlər yenə də öz həllini tapmadı. Səbail rayon Məhkəməsi qərar çıxartdı ki, 7 yanvar 1997-ci ildən 14 avqust 1998-ci ilə qədər mənim əməkhaqqım Kənd Təsərrüfatı Nazirliyindən tutulub ödənilsin. Dövlətin adından çıxan və qanuni qüvvəyə minmiş qərar ayrı- ayırı “qəhrəman” məmurların günahı ucbatından uzadılaraq, 5 sentyabr 2006-cı ildə mənə 1 illik əməkhaqqı ödənildi. Həmin əməkhaqqını mən imza edib Kənd Təsərrüfatı Nazirliyində cədvələ qeyd edəndə məni kimi “tora düşən” iki nəfər də var idi: İbrahimov və Lyariçkina. Lyariçkina rusdur. Bu 3 nəfərə cəmi ödəniləsi məbləğ 2060 manat təşkil edirdi. Ondan 562 manatı mənim, qalanı isə o iki nəfərin idi. Lakin mən Səbail rayon Məhkəməsinin hakimi Ziya Əliyevin çıxardığı qərardan narazı qalaraq, Bakı Şəhər Məhkəməsinə kassasiya şikayəti verdim. Bakı Şəhər Məhkəməsinin milliyətcə rus olan hakimi, azərbaycanlı Ziya Əliyevdən fərqli olaraq, qanunun aliliyinə hörmət edib, mənim əməkhaqqımın 2 yanvar 1999-cu il tarixinə kimi Kənd Təsərrüfatı Nazirliyindən tutulub ödənilməsi üçün qərar çıxartdı. Baxmayaraq ki, həmin qərar dövlətin adından çıxıb və qanuni qüvvəyə minib, lakin bu günə qədər tam icra olunmayıb”.

“İcra məmuru da, hakimlərin bəziləri də “ağalıq” edir”

“Bu məsələ ilə əlaqədar olaraq mən möhtərəm prezident İlham Əliyevə, Birinci vitse-prezident Mehriban xanıma, Ali Məhkəməyə, Konstitusiya Məhkəməsinə, Mili Məclisə, Nazirlər Kabinetinə çoxsaylı müraciətlər etmişəm, lakin heç bir faydası olmayıb. Mənə belə gəlir ki, tutduğu vəzifəsindən, kimliyindən asılı olmayaraq, hamı qanun qarşısında eynidir. Əgər elədirsə, nə üçün dövlətin adından çıxan məhkəmə qərarları bu günə qədər icra olunmur? İcra məmuru da, hakimlərin bəziləri də “ağalıq” edir. Ümumiyyətlə, respublikada vətəndaşların hüquqlarının müdafiəsi ilə əlaqdar olaraq hüquq-mühafizə orqanlarının heç birində mən ədalət görmədim, olsaydı 19 ildir mən məhkəmə çəkişmələrində olmazdım”, -deyə şikayətçi vurğuladı.

“Nəyə görə vətəndaşın pozulmuş hüquqlarının bərpa olunmasına kömək etmirlər?”

M.Qasımov nəzərə çatdırdı ki, o, Yeni Azərbaycan Partiyasının üzvüdür: “Mən Əli Əhmədova, Əli Həsənova, Novruz Məmmədova müraciət etmişəm. Nəyə görə vətəndaşın pozulmuş hüquqlarının bərpa olunmasına kömək etmirlər? Ola bilər ki, möhtərəm prezident ailədə xırda problemləri bilməyə bilər. Bəs, ayrı-ayrı məmurlar nə üçün ona indiyə qədər çatdırmır ki, vətəndaşın hüququ kobud surətdə ayrı-ayrı məmurlar tərəfindən pozulur. Buna kim baxmalıdır? Mən hara müraciət etməliyəm? Bundan başqa, bimirəm hara qalıb ki, ora müraciət edəm. Mehiban xanıma , İlham Əliyevə, Konstitusiya Məhkəməsinə, Ali Məhkəməyə, Ədliyə Nazirliyinə, Baş Prokurluğa, Ombudsmana çox saylı müraciət etmişəm. Adi qanuni əməkhaqqını almaq üçün mən bu qədər əziyyət çəkməliyəm? Mənim günahım varsa, haqqımda tədbir görülsün. Əgər günahkar Kənd Təsərrüfatı Nazirliyidirsə, onun haqqında tədbir görülsün”.

“İlham Bayramov yazır ki, bizim Qasımov Mahmud Əlibəy oğluna borcumuz yoxdur”

Qasımov vurğuladı ki, o, ürək xəstəliyinə tutulub: “Mənim imkanım çox məhduddur. Ona görə də Vəkillər Kollegiyasına və müəyyən hakimlərə öz minnətdarlığımı bildirirəm ki, mənim maddi cəhətdən imkanım olmadığına görə dövlət hesabına vəkillə təmin edirlər. Vəkil də Ali Məhkəmədə prosedə Əmək Müfəttişliyindən gələn mütəxəssisə və digər qurumların nümayəndələrinə dedi ki, qanunu pozaraq Kənd Təsərrüfatı Nazirliyinin diktəsi ilə işləri idarə edir. Necə ola bilir ki, bu boyda respublikada hüquq-mühafizə orqanları Kənd Təsərrüfatı Nazirliyi haqqında tədbir görə bilmir?! Mən demirəm onu tutsunlar, edam etsinlər. Sadəcə olaraq qanunu ona başa salmaq lazımdır ki, mənimlə işləmək istəmirdinsə, işlədiyim illərin əməkhaqqını verin. Həmin iki ildə, yəni 1997/98-ci ildə rayonda mövcud olan traktor və kənd təsərrüfatı maşınlarına illik texniki baxış aparıb, Kənd Təsərrüfatı Nazirliyinə mən hesabat təqdim etmişəm. O vaxtı mənim aylıq əməkhaqqım 250 min manat olub. Necə ola bilir ki, bu boyda idarə, məhkəmələr, orqanlar adi hesablamanı bilmir?! 2 dəfə 2 hansı ölkədə hansı dildə hesablasan 4 edir. Burada nə var ki… Orada müddət göstərilir, aylıq əməkhaqqına vursun, görsün mənə tam ödənilib, ya yox? Kənd Təsərrüfatı Nazirliynin Aparat rəhbəri İlham Bayramov yazır ki, bizim Qasımov Mahmud Əlibəy oğluna borcumuz yoxdur. O, həmin vəzifədə çalışırsa, necə ola bilir ki, orta məktəbin şagirdi etdiyi adi hesablamanı bimir? Bəs, nəyə görə o “postu” tutub? Niyə vətəndaşı bu vəziyyətə salıb?”

“Xidmətçilər xalqa bu cür xidmət edir?”

“Möhtərəm prezidentimiz həmişə vurğulayır ki, bütün məmurlar vətəndaşların xidmətçiləridir. Məgər xidmətçilər xalqa bu cür xidmət edir? Vətəndaşı nəyə görə möhtərəm prezidentdən narazı salırlar? Mənim 79 yaşım var. Mənə bu yaşımda 26 dəfə məhkəmə instansiyasında olmaq yaraşır? Ədliyə naziri, Ali Məhkəmə, respublikanın baş prokuroru hara baxır? Hüquqi və fiziki şəxslər qanun qarısında eynidir. Bəs, elədirsə, nəyə görə bu qədər yubadırlar? Nəyə görə məni süründürürlər? Mən aldığım təqaüdün 10-15 faizini hər ay bu məsələ ilə bağlı sənədlərə, nəqliyyata sərf edirəm. Kənd Təsərrüfatı Nazirliyi saxtakarlıq edir, o dövləti aldatmaqla hakimi də aldadıb. 6 fevral 2008-ci ildə Səbail Rayon Məhkəməsinin hakimi Araz Hüseynov 2006-cı ildə ki mən 562 manata qol çəkib götürmüşdüm, halbuki, 3 nəfərə ödəniləcək məbləği tək mənə yazıb. Yazıb ki, Qasımov Mahmud Əlibəy oğluna 2060 manat ödənilib. Mən hara qol çəkmişəm? O icra vərəqəsi haradadır? Bunlar saxtakardır. Eyni zamanda icra məmuru özünə yoldaş axtararaq və özünə güvənərək özbaşnalıq edərək icraata xitam verir. İcra məmuru kimdir? İcra məmurunun məhkəmə qərarlarını icra etməkdən başqa səlahiyyəti yoxdur. Səbail Rayon Məhkəməsinin hakimi Yelmar Rəhimov cənablarına təqdimat yazıb xahiş edib ki, icraata xitam ver. Ancaq qanunun aliliyinə hörmət edərək Yelmar Rəhimov onun xahişini rədd etdi və dedi ki, o vaxt icraata xitam verilir ki, o tam öz həllini tapsın. Açıq görünür ki, icra məmuru saxtakardır. Atalar doğru deyir:“Görünən dağa bələdçi lazm deyil”. Mən özümdən söz danışmıram, bu işin içindəyəm. 19 ildir bu cür məmurlarla vuruşuram, amma öz qanunla qorunan hüququmu müdafiə edə bilmirəm. Mən kimə müraciət etməliyəm ki, bu iş öz həllini tapsn? Nəyə görə qanuna müvafiq olaraq olan əməkhaqqımı ala bilmirəm?”,-deyə şikayətçi fəryad edir.

“Müraciətlərimin çəkisi 8 kiloqrama çatıb”

M.Qasımov diqqətə çatdırdı ki, Kənd Təsərrüfatı Nazirliyinin, icra məmurunun məsuliyyətsizliyi bu vəziyyəti yaradıb: “Onlar bu məsələyə 4 saylı Əmək Müfəttişliyindən mütəxəssis cəlb etdi, Əlif Baxşıyev adlı mütəxəssis gəldi. O, dəyərli mütəxəssisdir, ancaq o da götürdü Kənd Təsərrüfatı Nazirliyinə 562 manat pul yazdı. Təəssüf edirəm ki, o da məni başa düşmədi ki, mən qalan pulun davasını edirəm. Mən nə qədər huşumu-başımı itirmişəm ki, mənə ödəniləcək məbləği bimirəm. Azərbaycan qanunlarında idarə, müəssisə və yaxud təşkilatın rəhbərliyi vaxtında əməkhaqqı və digər ödənişləri ödəməyibsə, Əmək Məcəlləsinin 172-ci maddəsinin 5-ci bəndinə əsasən, hər gecikdirilən gün üçün 1% ödəməlidir. Əgər mənimlə işləmək istəmirdinsə, mənim tam pulumu ödəməli idin. Bu hakimin qərarında göstərilib ki, mənə ödəniləcək məbləğ tam ödənilməlidir . Bəs, yaxşı bunu kim ödəməlidir? Mənim müraciətlərimin çəkisi 8 kiloqrama çatıb, o yer qalmayıb ki, mən müraciət etməyim”.

“Bundan sonra da 19 il sürünməliyəm?!”

“Bu qədər müddət azmış kimi, Səbail Rayon Məhkəməsini hakimi Yelmar Rəhimov 12 mart 2018-ci ildə yenidən qərar çıxartdı və icraya yönəltdi. Mən Səbail Rayon İcra Şöbəsinin müdiri Anar Qocayevlə əlaqə saxladım, mənə deyir ki, qərarı almışam, amma hakim icra vərəqəsini göndərməyib. Gör, nə qədər qanuna əməl etmir. Bu adam başa düşmür, orada göstərilir ki, icra vərəqəsi verilib, icraya yönəltməlidir. Əgər gücü çatmırsa, özündən yuxarıya hansısa bir müraciət edib demir ki, Kənd Təsərrüfatı Nazirliyi özbaşınalıq, saxtakarlıq edir. Heç bir şey yoxdur. Nə qədər ki, Səbail rayon icra məmuru Toğrul Baxşəliyev orada çalışırsa, onlar Kənd Təsərrüfatı Nazirliyinə, Əmək Müfəttişliyinə sübuta yetirə bilməz ki, mənə iki illik əmkhaqı ödənilib. Ancaq qanun göz qarşısındadır, bunu heç kim poza bilməz. Mən özümdən heç nə uydurmuram. Dövlətdə hüquq-mühafizə orqanları fəaliyyət göstərirsə, dəqiq, obyektib araşdırma aparsınlar və obeyktiv də qərar qəbul etsinlər. hakimin verdiyi qərarı icra məmuru nəyə görə icra etməməlidir? Deməli, bu kiməsə arxayındır. Mən 19 ildir süründürməçiliyə məruz qalmışam. Bundan sonra da 19 il sürünməliyəm?!”,-deyə şikayətçi sual edir.

Hurriyyet.org
Heydər Əsədov nədən bu vətəndaşa borcu ödəmir? - ŞİKAYƏT
Heydər Əsədov nədən bu vətəndaşa borcu ödəmir? - ŞİKAYƏT
Geri qayıt