"İnanıram ki mənimdə müraciətimi cavabsız qoymayacaqsınız..." - Sumqayıt məhkəməsindən ŞİKAYƏT

"İnanıram ki mənimdə müraciətimi cavabsız qoymayacaqsınız..." - Sumqayıt məhkəməsindən ŞİKAYƏT Sumqayıt şəhər Birləşmiş məhəllə .ev 11, mənzil 20--də yaşayan Kazımova Nərgiz Həsənağa qızı Azərbaycan Respublikasının birinci vitse-prezidenti Mehriban xanım Əliyevaya müraciət ünvanlayıb. Bir nüsxəsi də xalqxeber.az-a daxil olan müraciətdə deyilir:

"Hörmətli Mehriban xanım! Mətbuat vasitəsi ilə müraciət etməyimə səbəb bu günə kimi aidiyyatı orqanlara müraciət etsəmdə mənə heç bir köməklik göstərilməməsidir. Belə ki mən, Sumqayıt şəhərində yaşayan Xankişiyev Ramin İsmayıl oğlu ilə 2005-ci ildə el adəti ilə ailə qurmuşam. 30 oktyabr 2006-cı ildə Ramin İsmayılovla nigahımızı rəsmləşdirmişik. Bu nigahımızdan Xankişizadə Mədinə Ramin qızı dünyaya gəlmişdir. Bir müddət münasibətlərimiz yaxşı olsada sonradan pisləşdiyinə görə boşanmaq üçün məhkəməyə müraciət etdim Məhkəmə uşağın məndə qalmasına və keçmiş ərim Ramin Xankişiyevdən hər ay 108 AZN sabit pul məbləğində tutularaq mənə ödənilməsi barəsində qərar verdi.
Bu qərar 24 dekabr 2015-ci ildə verilib. Bu qərar verildiyi gündən bu günə kimi Ramin İsmayılov aliment ödəməkdən boyun qaçırır hətta buna görə 27 yanvar 2017-ci ildə Sumqayıt şəhər Məhkəməsinin qərarı ilə beş gün müddətinə inzibati qaydada həbs edilib.Bu həbsdən sonra aliment ödəmək üçün nəticə çıxarmaq əvəzinə məsuliyyətdən yaxa qurtarmaq üçün ölkəni tərk edərək Türkiyə Respublikasına qaçmışdır. Bir müddət orda yaşadıqdan sonra geri qayıdan Ramin Xankişiyevlə Sumqayıt Məhkəməsinin icra şöbəsinin məmurları dəfələrlə söhbət etsələrdə o aliment ödəməkdən imtina edir. Məhkəmənin icra şöbəsinə verdiyi izahatındada təsdiq edir ki, aliment borcu olmağına baxmayaraq pulu ödəməyəcək.. Məhkəmə qərarı verildiyi gündən bu günə kimi 3024 manat aliment ödəməli olan Ramin Xankişiyev mənə cəmi 90 manat aliment ödəyib.
Qızımın artıq 12 yaşı var. Ayrıldığımız gündən ona mən baxmışam, mən tərbiyə edib saxlamışam. Bir dəfədə olsun Ramin Xankişiyev atalıq borcunu yerinə yetirib qızımın tərbiyəsi, təhsili, nə yeməsi, harada yaşaması ilə maraqlanmır. Aliment ödəməkdən isə bilərəkdən yayınır. Uşağı ilə maraqlanmayan, onun taleyinə biganə qalan bir şəxs valideyn adlandırıla bilməz və o bu hüquqdan məhrum olunmalıdır.Dövlət işində işləmirəm qapılarda qulluqçuluq edərək övladımı saxlayıram, kirayədə qalıram. Ramin Xankişiyevin atalıq hüququnun olması övladımın da marağına toxunur və ona görədə deyir ki "ana mənə elə ata lazım deyil"
18 sentyabr 2017-ci ildə Ramin Xankişiyevin "atalıq hüququndan məhrum edilməsinə dair " Sümqayıt şəhər Məhkəməsinə iddia ərizəsi ilə müraciət etmişəm. Hal-hazırdada iş Sumqayıt şəhər Məhkəməsinin hakimi Azər İsmayılovun icraatındadır. Bu günə kimi iki dəfə məhkəmə olub. Hakim Azər İsmayılov göstərdiyim faktları ciddi şəkildə araşdırıb qərar verməkdənsə məni get-gələ salır.Belə ki, mən məhkəməyə verdiyim iddia ərizəmdə göstərmişəm ki, Ramin Xankişiyev bu günə kimi aliment ödəməyib hətta buna görə inzibati həbsdə alıb. Məhkəmə icraçısına yazılı izahatda verib ki, mən alimen verməyəcəyəm. Qanunvericiliyə əsasən bu faktlarda Ramin Xankişiyevin atalıq hüququndan məhrum etməyə kifayət edir. Bu faktları hakim Azər İsmayılova təqdim etsəmdə o "boş şeydir" deyərək sənədlərimi araşdırılması üçün Sumqayıt şəhər İcra Hakimiyyətinin Qəyyumluq və Himayəçilik Komissiyasına göndərdi. Sumqayıt şəhər Qəyyumluq və Himayəçilik Komissiyası da heç bir iş görmür. Bir dəfədə olsun Ramin Xankişiyev danışdırilmayıb.Dəfələrlə komissiya üzvləri Teymur müəllim və Sədirxan müəllimin yanında olsamda məni bugün-sabahla yola verirlər.

Hörmətli Mehriban xanım!

Azyaşlı övladının tərbiyəsi,təhsili,sağlamlığı ilə maraqlanmayan birinin dinimizdə valideynlik haqqı olmur. Qanunvericiliyimizdədə belə insanlar valideynlik hüquqlarından məhrum olunmalıdır.Haq-ədalət üçün qəbul olunmuş bu qanunlar sadəcə olaraq icra olunmalıdır.Ona görədə sizdən xahiş edirəm mənə kömək edəsiniz. Mənim müraciətimin Sumqayıt şəhət Məhkəməsinin hakimi Azər İsmayılov tərəfindən qanunauyğun araşdırılaraq qərar verilməsinə tapşırıq verəsiniz. Siz həmişə kimsəsizlərə, xəstələrə,qocalara,əlillərə, qadınlara xususi diqqət və qayğı göstərmisiniz. İnanıram ki mənimdə müraciətimi cavabsız qoymayacaqsınız".

Qarşı tərəfi də dinləməyə hazırıq...
Geri qayıt