Həyətində ilanların məskən saldığı universitet ağaca elan vurmaqla kifayətləndi

Bir neçə gün öncə Bakı Mühəndislik Universitetinin yaxınlığında ilanların olmasına dair görüntülər yayılmışdı.

Yayılan görüntülərdən sonra təhsil müəssisənin həyətindəki ağaclardan birinin üzərinə ilanlarla bağlı xəbərdaredici lövhə asılıb. Tələbələr universitet tərəfindən ilanlara qarşı başqa hər hansı bir tədbir görülmədiyini bildiriblər.

Sosial şəbəkələrdə universitetin ilanlardan qorunmaq üçün lövhə asmaqla kifayətlənməsi birmənalı qarşılanmayıb.