"Azəriqaz" 200 manatı niyə istəyir? - GİLEY

Gəncə şəhər, Şıxzamanlı qəsəbəsində yaşayan Samirə Ədil qızı İmamverdiyeva yaşadığı ünvana qaz çəkdirməkdə problemlə üzləşib. Belə ki, həmin qəsəbədəki evlərin əksəriyyəti, hətta qonşuluğundakı evlər də qaz çəkilişi ilə təmin olunub.

DİA.AZ xəbər verir ki, o, evinə qaz xəttinin çəkilməsi ilə bağlı Gəncə şəhər Regional Qaz İstismarı İdarəsinə müraciət edib və orada Samirə İmamverdiyevadan 200 manat pul ödənilməsi tələb olunub. Ancaq idarədən bu məbləğin hansı xərclərdə istifadə olunacağını bildirməyiblər.

Samirə İmamverdiyeva bununla bağlı “Azərqaz” İstehsalat Birliyinə və ölkə rəhbərliyinə rəsmi müraciət etsə də, şikayətinə hələ ki heç bir cavab verilməyib.