Şəkidəki dəhşətli faciədə ən ağır yara alan qadının FOTOsu – 16+

Dünən Şəkidə baş verən dəhşətli faciədə ağır yaralanan Xatirə Ağamalıyevanın xəstəxanaya çatdırılarkən hansı vəziyyətdə olduğunu əks etdirən görüntüsü yayılıb.

Bakupost.az-ın məlumatına görə, sağ baldır sümüyünün çox qəlpəli sınığı və travmatik şok diaqnozu ilə Şəki Mərkəzi Xəstəxanasına yerləşdirilən X.Ağamalıyevanın vəziyyəti hazırda ağır olaraq qiymətləndirilir.

Bildirilir ki, Xan Sarayında baş verən dəhşətli hadisədə ən ağır şəkildə xəsarət alan şəxs məhz X.Ağamalıyevadır.

Qeyd edək ki, dünən Şəki Xan Sarayının həyətində ucalmış bir neçə əsrlik Çinar ağacanın budaqları güclü külək nəticəsində qırılıb turist və yerli sakinlərin üstünə aşmışdı. Dəhşətli hadisə nəticəsində 19 nəfər müxtəlif bədən xəsarətləri almışdı. Yaralılar arasında 7 nəfər əcnəbi də var idi.