ADU-da yaranan qalmaqallarla bağlı iddia - Həmkarlar Komitəsi niyə biganə qalır?
- 18-05-2019, 10:43
- 2 329
Daha çox müəllim kontingentinin şikayətço olduğu universitetdə Müəllim Həmkarlar İttifaqı Komitəsinin bu olanlara laqed,yaxud da səsiz qalması bir mətbuat orqanı olaraq bizi düşündürməyə və bu yazını qələmə almağa məcbur etdi.Qetd edək ki, Azərbaycan Dillər Universiteti Həmkarlar İttifaqı Komitəsinin min yüzdən çox üzvü var. Məlum olduğu kimi Həmkarlar İttifaqı Komitəsinin səlahiyyətlərinə təkcə üzvlük haqqı yığmaq deyil,həm də müəllimlərinin hüquqlarını qorumaq,onların üzləşdikləri problemləri plenumda müzakirəyə çıxarmaq və problemin həllinə ən azından kompromis yollarla nail olmaqdır. Amma Azərbaycan Dillər Universiteti Həmkarlar İttifaqı Komitəsi son dövrlərdə yaranan bu kimi qalmaqallı məsələlərdə biganə,səsiz qalmağa üstünlük verib. Maraqlıdır,nə üçün?
Aktualinfo.org onlayn qəzetə verilən məlumatlara görə universitetin Həmkar İttifaqı Komitəsinin sədri Misgər Məmmədov özü də uzun illərdir universitetdə sözügedən vəzifəni daşımasına baxmayaraq artıq rektor Kamal Abdullanın ən yaxın adamlarından biri olub. Bu vəzifəyə təyin olunduqdan bu yana Misgər Məmmədov müəllim kontingentinin üzləşdiyi hər hansı bir qanun pozuntusunu qarşısının alınması üçün Müəllim Həmkarlar Komitəsinin sədri kimi konkret heç bir addım atmayıb.Elə son olaylarda olduğu kimi. Əksinə,üzvlük haqqlarını müxtəlif mədəni- kütləvi, maddi yardım və idman tədbirləri adı altında mənimsəməklə məşğul olub. Redaksiyamıza verilən məlumatlara görə Misgər Məmmədov bayramlarda müxtəlif tədbirlərin həyata keçirilməsi üçün vəsait ayırdığını göstərsə də, çüzi vəsaitlərlə tədbirləri yola verir. O cümlədən indiyə qədər maddi problemləri olan heç bir müəllimə maddi yardım göstərilməyib, onların müalicəsi üçün sanatoriyalara göndərişlər pulsuz olduğu halda,komitə sədri tərəfindən satılmışdır. Məlumatlara görə Universitetdə Misgər Məmmədovun kollektiv üzvlərinə qarşı bu biganə yanaşması da rektor Kamal Abdullanın tapşırığıdır. Hörmətli oxuculara xatırlatmaq istərdik ki, Kamal Abdull bir ziyalı olmaqla yanaşı,həm də ziyalı ailəsində dünyaya göz açıb. Bəs görəsən bu ali təhsil ocağında çalışan ziyalılara qarşı Kamal Abdullada antipatiya haradan qaynaqlanır?