Bayram günlərinin havası açıqlandı

Azərbaycanda bayram günlərinə olan hava proqnozu məlum olub.

Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumata görə, dekabrın 31-də paytaxtda hava şəraiti dəyişkən buludlu olacaq:

“Əsasən, yağmursuz keçəcək, mülayim şimal küləyi əsəcək. Havanın temperaturu gündüz 6-8, dekabrın 31-dən yanvarın 1-nə keçən gecə 3 dərəcəyə yaxın olacaq”.

Məlumatda qeyd edilib ki, yanvarın 1-də gün ərzində mülayim, əsasən, yağmursuz hava şəraitinin davam edəcəyi gözlənilir.