Türkiyəli məşhur müğənni Ebru Gündeş bu dəfə saatı ilə gündəmə gəlib.

Haberler.com-a istinadən xəbər veririk ki, sənətçinin 700 min TL (174 720 AZN) dəyərində taxdığı aksessuar göz oxşayıb.

Sözügedən saat ən bahalı məhsulları ilə seçilən “Patek Philippe” brendinin “Nautilus” modelidir.

Markanın 1976-ci ildə ictimaiyyətə təqdim etdiyi qol aksessuarı özəl əl işidir, klassik modeldədir. Məhsul ağ və sarı qızıldan hazırlanıb.

Xatırladaq ki, Rüfət Aslanlı Maliyyə Bazarlarına Nəzarət Palatası sədri olan zaman taxdığı Patek Philippe Nautilus brendindən olan saatı ilə diqqət çəkmişdi.
Mətbuatda yayılan məlumata görə, sabiq sədrin "Parmigiani Fleurier Kalpa" (qiyməti 50-150 min dollar arasında dəyişir) və "Vacheron Constantin Perpertual" (88 min dollar) brendindəın olan saatları da var.