“Həyəcanlı anlar yaşasalar da, yaxşıdırlar” - Komitə rəsmisi

 “Hərbi əməliyyatlara görə İsraildə çətin vəziyyətdə qalan, hazırda sığınacaqda olan müğənni Samirə Əfəndi ilə əlaqə saxladım, özü və yanındakı 4 nəfər həyəcanlı anlar yaşasalar da, yaxşıdırlar”.

Xalqxeber.org xəbər verir ki, bunu Diasporla İş üzrə Dövlət Komitəsinin Təbliğat, informasiya və analitik təhlil şöbəsinin müdiri Vəsilə Vahidqızı sosial şəbəkə hesabında yazıb.


“Onların sağ-salamat vətənə qayıtmaları üçün Diasporla İş üzrə Dövlət Komitəsi və İsraildə olan diaspor təşkilatları əllərindən gələni etməyə hazırdırlar. Gün ərzində Samirə xanımla yenidən əlaqə yaradacağıq”, - deyə şöbə müdiri bildirib.

Qeyd edək ki, müğənni Samirə Əfəndi ailə üzvləri ilə birlikdə İsrailin Tel-Aviv şəhərində çətin vəziyyətdə qalıb.