Verilişdə Damlanın çantasından 3500 manat pul çıxdı - VİDEO

“Xəzər” televiziyasında yayımlanan “5/5” verilişinin aparıcısı Zaur Kamal proqramda qonaq olan müğənni Damlanın pul çantasını studiyaya gətirərək, tamaşaçılardan orada nə qədər pul olduğunu soruşub.

Teleaparıcı məbləği tapana müğənninin 100 manat verəcəyini söyləyib. Sonda ifaçının çantasından 3500 manata yaxın pul çıxıb. Tamaşaçıların arasından bir nəfər 3000 manatdan çox pul dediyi üçün Damla ona yüz manat hədiyyə edib.

Z.Kamal müğənninin üzərində niyə bu qədər pul gəzdirdiyini soruşub. İfaçı bildirib ki, o, verilişdən sonra yeni mahnısını aranjiman etdirmək üçün studiyaya gedəcək və həmin məbləği ona xərcləyəcək.