Dünən Xəzər telekanalında yayımlanan "5/5" verilişinin qonağı olan xalq artisti Rafiq Hüseynov (Rəmiş) və xanımı Gülü Zaurun "sürpriz"i ilə qarşı-qarşıya qalıblar.
Aparıcı Gülünün adından hazırladıqları sualları onun dilindən Rəmişə ünvanladıb.
Rəmişlə Gülünün sual-cavab əsasında yaranan maraqlı dialoqunu təqdim edirik:
- Mənə görə gitaranı atarsan?
- Yox!
- Mənə xəyanət eləmisən?
- 50 dəfə.
- Maşını satıb, mənə bahalı şuba alarsan?
- Mənim Ehtiram kimi, Təyyar kimi dostlarım var. Maşını satınca, onlara deyərəm "Gülüyə şuba alıb, gətirin", alıb gətirərlər. Bu da olmasın iki milyarderin toyu.
- Evi mənim adıma keçirərsən?
- Çoxdan keçirmişəm, evi də, maşını da. Ona görə ki, insan ömrü çox qısadır. Xəstələnməyi var, ölməyi var. Mənim başıma nəsə gələrsə, bəzi qohum-əqraba o mülk üçün Gülüylə davaya qalxmasınlar, ona görə.
- Mənim ad günüm nə vaxtdır?
- Yadımda deyil o.
- Məni çox istəyirsən, yoxsa gitaranı?
- İkinizi də eyni səviyyədə. Biri pul gətirir, biri də əziyyətimi çəkir.
- Mənim dalımca danışmısan?
- Çox.
- Camaatın yanında sevgini mənə sübut edə bilərsən?
- Camaatın yanında? Camaatın yanında sevgi olar?!(gülür)
