Qusarda da DTX-nin əməliyyatına ehtiyac var. Hər halda, bu vaxta qədər rayonun icra başçısı Şair Alxasovun etikləri lazımi səviyyədə araşdırlarsa, buna şübhə qalmaz və hüquq-mühafizə orqanları ciddi dəlillər əldə edə bilər". Bu sözlər DİA.AZ-a Qusar sakinləri adından edilən müraciətdə yer alıb.

Son günlər Dövlət Təhlükəsizlik Xidmətinin bir sıra rayon icra hakimiyyəti başçılarını ifşa əməliyyatlarını təqdir edən və alqışlayan qusarlılar bildirirlər ki, həbs olunan başçıların dövründə Yevlaxda, Ağstafada, Neftçalada, Biləsuvarda, İmişlidə yaşananlar hazırda Qusarda da cərəyan edir. Sakinlər dia.az-a yazır:

"Bizim rayonda da sıravi vətəndaşın haqq səsi batırılır, şikayətlər qulaqardına vurulur, sahibkarların obyektləri dağıdılır, yarım pulları yeyilir, dövlətin Qusar camaatının sosial rifahı məqsədilə ayırdğı büdcə vəsaitləri mənimsənilir və bütün bunların başında RİH rəhbəri Şair Alxasov cənabları dayanır.

Bir başqası dayana da bilməz və Şair Alxasov bu gün Qusarı şəxsi mülkü kimi idarə edir. Neçə-neşə sahibkarın torpağını əlindən alıb, iş yerini, obyetkini, təsərrüfatını məhv edən bizim icra başçısına kimsə bata bilmir. Amma inanırıq ki, artıq dövlətin müvafiq qurumları əzmkarlıqığını davam etdirib, anoloji əməliyyatlardan birini də Qusarda keçirəcək".

İddia olunanlarla bağlı bütün maraqlı tərəfləri dinləməyə hazırıq...