Hər kəsə aydındır ki, mərhum prezident Heydər Əliyev siyasi kursunun bu gün ölkə rəhbəri cənab İlham Əliyev tərəfindən uğurla həyata keçirilməsinin nəticəsidir ki, hal-hazırda ölkəmizin​ bütün sahələrində yeni keyfiyyət dəyişiklikləri ilə bərabər, sosial-iqtisadi yüksəliş də əldə olunub. O da hər kəsə bəllidir ki, əhalinin sosial müdafiəsinin gücləndirilməsi, aztəminatlı ailələrə kömək göstərilməsi, yoxsulluğun aradan qaldırılması Azərbaycanda dövlət siyasətinin əsas istiqamətlərindən biridir və son illərin reallıqları da ondan ibarətdir ki, indiyə kimi iqtisadi sahədə həyata keçirilən köklü dəyişikliklər, məhz əhalinin sosial müdafəsini lazımınca gücləndirməyə imkan verib.​ Bəli, Prezident İlham Əliyevin sosial siyasətinin fəlsəfəsi ondan ibarətdir ki, respublikamızda aztəminatlı, yoxsul insan olmamalıdır.​

​ ​ ​ Ölkəmizdə ünvanlı dövlət sosial yardımı sisteminin yaradılması da, birbaşa aztəminatlı ailələrin sosial müdafiəsinin yaxşılaşdırılması ilə nəticələnib. Əmək və Əhalinin Sosial Müdafiəsi Nazirliyində ünvanlı sosial yardım alan vətəndaşlarla bağlı korporativ məlumat bankı da yaradılıb. Belə bir addımı atmaqda başlıca məqsəd, həm dövlət büdcəsindən maliyyələşən yardımların təyinatında şəffaflığı təmin etmək, həm də bu sahəyə nəzarəti gücləndirməkdir. Onu da bildirək ki, məlumat bankı yerlərdə ünvanlı sosial yardım almaq üçün əhalidən daxil olan müraciətlərin daha dəqiq araşdırılmasına imkan verir. Bəli, sosial problemlərin yoluna qoyulması, çoxşaxəli tədbirlərin həyata keçirilməsi, bütün kateqoriyalardan olan vətəndaşların sosial rifahının yüksəldilməsi və s. geniş ictimaiyyət tərəfindən rəğbətlə qarşılanan addımlardır. Bütün bunlar onu təsdiq edir ki, cənab Prezidentin həyata keçirdiyi siyasətin əsasında vətəndaş amili əsas rol oynayır. O halda sual oluna bilər ki, görəsən ölkə rəhbərinin həyata keçirdiyi siyasət Tovuz rayonunda necə həyata keçirilir? Bu yöndə Gundemxeber.az saytı əməkdaşının apardığı araşdırmalar zamanı dəhşətli və dözülməz mənzərənin şahidi olduq.
Çünki, Tovuz rayonu, Qovlar şəhəri, Vaqif küçəsi-15 ünvanında beş nəfərlik ailə üzvləri ilə birlikdə yaşayan 1983-cü il təvəllüdlü Sadıqov Rafiq Aslan oğlugilin dolanışıq səviyyəsini gördükcə dəhşətə gəlmək mümkün olmur. Belə ki, bu şəxsin həyat yoldaşı, üç övlad anası Sadıqova ​ Şəlalə​ Tofiq qızı tərəfindən redaksiyamıza ünvanlanan müraciətdən və Gundemxeber.Az saytı əməkdaşının qeyd olunan ünvanda həyata keçirdiyi video-çəkilişlərdən bəlli olur ki, ölkə rəhbərinin həyata keçirdiyi siyasətin bu ailə üzvlərinə heç bir aidiyyatı yoxdur.

Buna da əsas səbəb, Tovuz rayon İcra Hakimiyyətinin başçısı Məmməd Məmmədovun, Tovuz rayonu, Qovlar şəhər​ İƏD üzrə​ nümayəndəsi Oruc​ Binnətovun, DSMF-in Tovuz rayon şöbəsinin müdiri​Zöhrab Əhmədovun və digər vəzifə sahiblərinin, Rafiq Sadıqovun həyat yoldaşının ailə üzvlərinin dolanışıqlarına köməklik göstərilməsi üçün etmiş olduğu şifahi müraciətləri saya salmamalarıdır.
​ ​ Şəlalə Sadıqova Gundemxeber.Az saytının redaksiyasına ünvanladığı müraciətində qeyd edir: “Bizim ailənin dolanışığı çox ağır durumdadır. Həyat yoldaşım Sadıqov Rafiq Aslan oğlu ll-ci qrup gözdən əlildir və bu gün əlliyə görə​ dövlətdən​ 232 manat müavinət​alır. Ailəmiz beş nəfərdən ibarətdir və bizim 2015-ci il təvəllüdlü ​ Sadıqov Əli Rafiq oğlu, 2017-ci il təvəllüdlü Sadıqov Süleyman Rafiq oğlu və 2019-cu il təvəllüdlü Sadıqov Yusif Rafiq oğlu adlı üçazyaşlı​övladımız var. Hal-hazırda ailəlikcə həyat yoldaşımın ata yurdundakı torpaq sahəsinin ortasında lazımi şəraiti olmayan birotaqlı evdə​ yaşayırıq. Yaşadığımız ev təmirsizdir və evimizin nə mətbəxi, nə suyu, nə hamamı, nə də ki, ayaqyolusu var. Həyat yoldaşımın aldığı müavinətdən başqa heç bir yerdən gəlirimiz yoxdur. İndiyə kimi bir neçə dəfə Tovuz RİH-nin başçısı​ ​ Məmməd Məmmədovun qəbulunda olmuşam. Dolanışıq vəziyyətimizin ağırlığını, dərdimizi ona​ bildirmişəm və bizim ailəyə köməklik göstərilməsini dönə-dönə xahiş etmişəm. Sonuncu müraciətimdən sonra o, Tovuz rayon İcra Hakimiyyəti başçısının Qovlar şəhər İƏD üzrə nümayəndəsi Oruc Binnətova​ “Bu ailəyə 50 AZN köməklik göstər” deyə tapşırığını versə də,​ İƏD üzrə​ nümayəndəsi icra başçısının bu yöndə verdiyi tapşırığı yerinə yetirmədi.

​ ​ ​ Bu gün sanki ölümlə üz-üzə qalmışıq, heç cür dolana bilmirik. Tovuz rayonunda rəhbər vəzifə sahibi olan şəxslər bizə köməklik göstərmədiklərindən, indi məcbur olub Azərbaycan Respublikasının Birinci vitse-prezidenti Mehriban xanım Əliyevaya üz tuturam və ailəmizə köməklik göstərilməsi üçün ona yalvarıram. Biz beş nəfər ailə üzvü olaraq həyat yoldaşımın dövlətdən aldığı 232 manat müavinətlə heç cür dolana bilmirik. İkinci övladımız Süleyman Sadıqovun baş-beyin nahiyəsində ciddi problemi var. Yəni, həkimlər ona anadangəlmə beyinin inkişafdan geriqalma diaqnozu qoyublar ki, o, belə bir problemlə anadan olduğu zamandan üz-üzə qalıb. İmkansızlıq ucbatından onu həkimə aparıb müalicə etdirə bilmirik. Üçüncü övladımız Yusif Sadıqov isə, “bilrubin” diaqnozu ilə anadan olub. Maddi imkansızlıq ucbatından, onu da heç cür müalicə etdirə bilmirik. Belə bir dözülməz vəziyyətlə bağlı bir neçə dəfə Tovuz rayon İH başçısına köməkdarlıq olunması məqsədilə xahiş etsək də, son anda xahişimiz “daşa dəydi”. Belə olan halda məcbur olub iki bankdan kreditə pul götürdük. Hal-hazırda həmin kreditləri də ödəyə bilmirik. Bu gün mavi qazdan istifadəyə görə 300 manat borcumuz var və indiyə kimi həmin borcu ödəyə bilmədiyimizdən, xeyli vaxtdır ki, yaşadığımız evə mavi qazın verilməsini dayandırıblar. Bundan əlavə, elektrik enerjisindən istifadəyə görə də 90 AZN borcumuz var. Həyat yoldaşım Rafiq Sadıqov ll-ci qrup gözdən əlil olduğu üçün, heç bir sahədə onu işə götürmürlər. Ünvanlı sosial yardım almaq məqsədilə 14 mart 2019-cu il tarixdə DSMF-in Tovuz rayon şöbəsinə müraciət etsək də, bizə adı çəkilən şöbədən imtina cavabı verdilər. Buna da səbəb, Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun informasiya sistemində həyat yoldaşım Rafiq Sadıqovun adına JN 50300068-498 nömrəli 12 sot pay torpağı sahəsinin olması barədə məlumatın qeyd olunmaması əsas götürülür. Əslində həyat yoldaşımın adına belə bir torpaq sahəsi yoxdur və heç cür başa düşə bilmirik ki, bu cür “kəşfi” kim həyata keçirib. Yəqin ki, Dövlət Sosial Müdafiə Fondunun Tovuz rayon şöbəsində vəzifə sahibi olanlar, bizim onlara rüşvət vermək imkanımız olmadığını bildiklərindən belə bir “oyun qaydası” düzüb-qoşublar ki, bizi başlarından uzaq edə bilsinlər. Ona görə də, bu gün mən ümidimi Mehriban xanım Əliyevaya bağlayıram və bir Azərbaycan qadını, üç azyaşlı övlad anası olaraq, ondan bizə köməklik göstərilməsi üçün öz xahişimi çatdırıram”.

​ ​ Bütün bunlar onu sübut edir ki, Tovuz rayon İcra Hakimiyyətinin başçısı Məmməd Məmmədov, Tovuz rayonu, Qovlar şəhər​ İƏD üzrə​ nümayəndəsi Oruc​ Binnətov, DSMF-in Tovuz rayon şöbəsinin müdiri​Zöhrab Əhmədov və digər vəzifə sahibləri cənab Prezidentin həyata keçirdiyi uğurlu siyasətə dəstək vermək əvəzinə, bu gün həmin siyasətə kölgə salmaqla məşğul olurlar.

​P.S. Hörmətli oxucular! Biz bu yöndə araşdırmamızı həyata keçirib, sizi yaxın günlərdə daha müfəssəl məlumatlarla məlumatlandırmağa çalışacağıq. Odur ki, bizi izləməyi unutmayın.

Gundemxeber.Az