Evimin qəzalı olması ilə bağlı akt tərtib olunub, ancaq baxan yoxdur - VİDEO

Evimin qəzalı olması ilə bağlı akt tərtib olunub, ancaq baxan yoxdur - VİDEO Bu il fevral ayının 5-dən 6-a keçən gecə Ağsuda baş vermiş zəlzələdə evi ciddi xəsarət almış Ağsu sakini səlahiyyətli qurumlardan şikayətçidir.
Yeniavaz.com xəbər verir ki, rayonun Səməd Vurğun küçəsində həyat yoldaşı və 3 övladı ilə yaşayan Rüstəmov Şamo Fazil oğlu, zəlzələdən sonra rayon icra hakimiyyətinin Memarlıq və Tikinti şöbəsinin müdiri Mirəli Qurbanov, “Taleh TT” MMC-nin iş icraçısı Mürsəl Gülməmmədovla birgə evə baxış keçirib. Bu zaman bəlli olub ki, ev qəzalı vəziyyətdədir və təmiri qeyri-mümkündür. Adıçəkilən şəxslər və ev sahibi bu barədə AKT tərtib ediblər və imzalayıblar. Lakin R. Şamo bildirir ki, o tarixdən etibarən heç kim onun “qapısını açmayıb”.

O, məsələ ilə bağlı video-müraciət yayımlayıb və səlahiyyətli şəxslərin məsələyə diqqət göstərməsini tələb edir. Həmin kadrları təqdim edirik:

Məsələ ilə bağlı Ağsu rayon icra hakimiyyətinin aidiyyatı şöbəsi ilə əlaqə saxlamağa çalışsaq da bütün zənglərimiz cavabsız qaldı.
Geri qayıt