Keçən günlərdə keçmiş Vergilər Naziri Fazil Məmmədovla bağlı hüquqi araşdırmaların başladığı haqda informasiyalar yerli KİV-lər tərəfindən yayılmışdı. Bununla əlaqədar DİA.AZ-a maraqlı fakt daxil olub. Belə ki, mötəbərliyi şübhə dpğurmayan mənbənin iddialarına görə, Fazil Məmmədovun barəsində həqiqətən də araşdırmalar başlayıb ki, bu əsnada adı hallandırılanlardan biri də hazırda Qazax rayonuna rəhbərlik edən, ondan əvvəl isə Vergilər Nazirliyində İri Vergi Ödəyiciləri Departamentinin rəisi olmuş Rəcəb Babaşovdur.

Məlumatlı mənbə bildirir ki, Rəcəb Babaşov əslində Fazil Məmmədovun "qara kassası" olub və əvvəlindən qürubu hiss edən Fazil Məmmədov onun iştirakı ilə böyük pulları mənimsədiyi Rəcəb Babaşovu "batan gəmisindən" ilkin olaraq "evakuasiya edib".

Mənbənin söylədikləri: "Söhbət təzminən 750 milyon manatdan gedir. Bu məbləğ büdcədən gizlədilib. Rəcəb Babaşovun birbaşa rəhbərliyi altında. Əmr Fazil Məmmədov tərəfindən verilib. İndi bu faktlar rəsmiləşərsə, təkcə Fazil Məmmədov yox, başçı da məsuliyyətə cəlb olunacaq".

Əlavə bilgilərimiz olacaq. Qarşı tərəfi də dinləməyə hazırıq...

DİA.AZ