Ağcabədi Olimpiya İdman Kompleksində Festival keçirilmişdir
- 14-10-2019, 09:10
- 892
Festivalda Rayon İcra Hakimiyyətinin Başçısı Şahin Məmmədov,hüquq-mühafizə orqanlarının, idarə müəssisə və təşkilat rəhbərləri və gənclər olmaqla 3500 nəfərdən artıq ictimaiyyət nümayəndələri iştirak etmişdir.
Tədbir Azərbaycan Respublikasının Dövlət Himninin səslənməsi ilə başlanmışdır.
Festival iştirakçıları Azərbaycan Respublikası Baş nazirinin müavini, Yeni Azərbaycan Partiyası sədrinin müavini və partiyanın İcra katibi Əli Əhmədovun “Mən hər bir azərbaycanlını “Qarabağ Azərbaycandır!” hərəkatına səsləyirəm çağırışına öz dəstəklərini ifadə etmək üçün 50 dəqiqə müddətində kompleksin ərazisində vətənpərvərlik mövzusunda mahnıların sədaları altında əllərində Azərbaycan Respublikasının Dövlət Bayraqları ilə yürüş edərək Qarabağ Azərbaycandır!, “Qarabağ bizimdir, bizim olacaq” şüarlarını səsləndirmişlər.Yürüşün önündə Azərbaycan əsgəri uzunluğu 16m, eni 8 m olan müqəddəs üçrəngli bayrağımızı öz çiyinlərində şərəflə daşımışlar.
Festival zamanı Ağcabədi Olimpiya İdman Kompleksinin mini futbol, voleybol və futbol meydançalarında idmançıların iştirakı ilə mini futbol, voleybol, sürətli şahmat , kəndirdartma idman növləri üzrə oyunlar və şərq idman növləri üzrə nümunəvi çıxışlar nümayiş etdirilmiş,eyni zamanda rayon məktəblərinin “Şahin” hərbi idman oyunlarında iştirak edən komandaları da tədbirdə iştirak etmişilər.